IND vs SA T20 मालिकेसाठी दक्षिण आफ्रिकेने जाहीर केला संघ; घातक गोलंदाज संघाबाहेर
मुंबई: भारताविरुद्ध दक्षिण आफ्रिका यांच्यात चार सामन्यांच्या टी-20 मालिका रंगणार आहे. या मालिकेला सुरुवात 8 नोव्हेंबरपासून होणार असून या मालिकेसाठी आता दक्षिण आफ्रिकेने आपला संघ जाहीर केला आहे. डावखुरा वेगवान गोलंदाज मार्को जेन्सन आणि वेगवान गोलंदाज गेराल्ड कोएत्झी हे 8 नोव्हेंबरपासून सुरू होणाऱ्या टी-20 मालिकेसाठी दक्षिण आफ्रिकेच्या संघात परतले आहेत. याशिवाय अष्टपैलू मिहलाली मपोंगवानाचा प्रथमच संघात समावेश करण्यात आला आहे.
अँडिले सिमेलेन देखील संघाचा भाग आहे. तसेच तो अद्याप एकही आंतरराष्ट्रीय सामना खेळलेला नाही. मालिकेतील पहिला सामना 8 नोव्हेंबर रोजी डर्बन येथे खेळवला जाईल तर इतर तीन सामने अनुक्रमे 10, 12 आणि 15 नोव्हेंबर रोजी गेबरहा (पूर्वीचे पोर्ट एलिझाबेथ), सेंच्युरियन आणि जोहान्सबर्ग येथे खेळले जातील. भारत आणि दक्षिण आफ्रिका यांच्यातील चार टी-20 सामन्यांची मालिका 8 नोव्हेंबरपासून सुरू होत आहे. सूर्यकुमार यादवच्या नेतृत्वाखाली दक्षिण आफ्रिका दौऱ्यावर असलेल्या टीम इंडियामध्ये अनेक नव्या चेहऱ्यांना संधी देण्यात आली आहे. मालिकेतील दुसरा सामना 10 नोव्हेंबरला होणार आहे. मालिकेतील तिसरा सामना 13 नोव्हेंबरला तर शेवटचा सामना 15 नोव्हेंबरला होणार आहे.
दक्षिण आफ्रिकेचा संघ
एडन मार्कराम (कर्णधार), ओटनीएल बार्टमन, गेराल्ड कोएत्झी, डोनोव्हन फरेरा, रीझा हेंड्रिक्स, मार्को जॅन्सन, हेनरिक क्लासेन, पॅट्रिक क्रुगर, केशव महाराज, डेव्हिड मिलर, मिहलाली मापोंगवाना, नकाबा पीटर, रायन रिकेल्टन, अँडिले सिमेलाब्स, लुई स्ट्राइब्स.
भारताचा संघ
सूर्यकुमार यादव (कर्णधार), अभिषेक शर्मा, संजू सॅमसन (यष्टीरक्षक), रिंकू सिंग, टिळक वर्मा, जितेश शर्मा (यष्टीरक्षक), हार्दिक पंड्या, अक्षर पटेल, रमणदीप सिंग, वरुण चक्रवर्ती, रवी बिश्नोई, अर्शदीप सिंग, विजयकुमार, अवेश खान. यश दयाल.
