सांगोला: कोण माघार घेणार आणि कोण निवडणूक रिंगणात राहणार; आज फैसला

सांगोला- 

विधानसभा निवडणुकीची सांगोल्याची जिल्हा सह राज्यात सगळीकडे चर्चा आहे. सांगोला तालुक्यात अनेक अपक्ष उमेदवारांनी अर्ज दाखल केलेले आहेत.

उमेदवारी अर्ज भरण्याच्या शेवटच्या मुदती अखेर या मतदारसंघात एकूण 37 उमेदवारांनी 48 नामनिर्देशन अर्ज दाखल केले होते. त्यापैकी 32 उमेदवारांची 40 अर्ज वैध ठरवण्यात आले आहेत. तसेच 5 उमेदवारांचे अर्ज पूर्णतः अवैध ठरवण्यात आलेले आहेत तसेच 3 उमेदवारांनी दोन अर्ज भरले होते त्यापैकी एक अर्ज अवैध ठरवण्यात आला आहे. छाननीत एकूण 32 उमेदवारांचे अर्ज वैध ठरविण्यात आले होते त्यापैकी 1 उमेदवारांनी अर्ज काढुन घेतल्याने आता 31 उमेदवारांचे अर्ज शिल्लक राहिले आहेत.

आज 3 वाजेपर्यंत उमेदवारांचे अर्ज माघार घेण्याची प्रक्रिया राबविली जाणार आहे. त्यामुळे कोण माघार घेणार आणि कोण निवडणूक रिंगणात राहणार याकडे संपूर्ण तालुक्याचे लक्ष लागले आहे.

आज निवडणुक निर्णय अधिकारी यांच्या उपस्थितीत अर्ज माघार घेण्याची प्रक्रिया पार पडणार आहे. सकाळी 11 वाजल्यापासून ही प्रक्रिया पार पडणार आहे. दुपारी 3 नंतर उमेदवारांची अंतिम यादी जाहीर होणार आहे.