सांगोला: शिवाजी विद्यापीठाच्या भौतिकशास्त्र अधिविभागातील संशोधक आणि सांगोल्यातील डॉ. सत्यशीला दत्तात्रय घोंगडे यांनी सादर केलेल्या ‘मायक्रोवेव्ह अनुप्रयोगांसाठी BaFe₁₂O₁₉–पॉलीपायरोल संमिश्र पदार्थावर आयनीकरण किरणोत्सर्गाचा परिणाम’ या संशोधन प्रबंधाला पीएच.डी. पदवी जाहीर झाली आहे. त्यांना भौतिकशास्त्र अधिविभागातील प्रा. आर.जी. सोनकवडे यांचे मोलाचे मार्गदर्शन लाभले. यासाठी मुंबई विद्यापीठातील डॉ. प्रदीप सरवदे यांनी बाह्य परीक्षक म्हणून उपस्थित राहून संशोधकाचे मूल्यमापन केले. प्रा. केशव राजपुरे, डॉ. निलेश तलवार, डॉ. विजय कुंभार, डॉ. मकसूद वाईकर, डॉ. सत्यजीत पाटील व डॉ. शितल शिंदे यांनी त्यांचे कौतुक केले.
डॉ. सत्यशीला घोंगडे या मूळच्या सांगोल्याच्या रहिवाशी असून त्यांचे माध्यमिक शिक्षण सांगोला विद्यामंदिर येथे झाले असून महाविद्यालयीन शिक्षण सांगोला कॉलेज सांगोला येथे झाले आहे. पदवी तर शिक्षण शिवाजी विद्यापीठ कोल्हापूर येथे झाले असून या दरम्यान त्यांनी सेट परीक्षा उत्तीर्ण केली आहे. अत्यंत हलाकीच्या परिस्थितीत त्यांनी शिक्षण पूर्ण करून डॉक्टरेट पदवी संपादन केली आहे. त्यांचे वडील दत्तात्रय (पिंटू) घोंगडे खाजगी वाहनावर ड्रायव्हर म्हणून काम करत मुलींचे शिक्षण पूर्ण केल्याबद्दल सत्यशीला घोंगडे व त्यांच्या परिवाराचे कौतुक होत आहे.
