खासदार धैर्यशील मोहिते पाटील यांच्या पाठपुराव्याला यश; माढा मतदारसंघात २१ नवीन पोस्ट ऑफिसेस मंजूर

ग्रामीण भागातील नागरिकांना बँकिंग, टपाल सेवा आणि शासकीय योजनांचा लाभ स्थानिक पातळीवर मिळावा, या उद्देशाने खासदारांनी हा विषय केंद्राकडे लावून धरला होता. या नवीन कार्यालयांमुळे ग्रामीण भागातील दळणवळण आणि आर्थिक व्यवहारांना मोठी गती मिळणार आहे.

या उद्घाटन समारंभाला सौ. डॉ. निकिताताई देशमुख यांची प्रमुख उपस्थिती होती. तसेच पंढरपूर डाक विभागाचे अधीक्षक मुन्ना कुमार यांनी टपाल विभागाच्या विविध योजनांची माहिती दिली. यावेळी गावातील सरपंच, विविध संस्थांचे पदाधिकारी, राजकीय कार्यकर्ते आणि मोठ्या संख्येने ग्रामस्थ उपस्थित होते.

वाणी चिंचाळे येथे पोस्ट ऑफिस सुरू झाल्यामुळे आता ज्येष्ठ नागरिकांना पेन्शनसाठी किंवा सुकन्या समृद्धी सारख्या योजनांसाठी शहराकडे धाव घ्यावी लागणार नाही. खासदारांच्या या कार्याबद्दल सांगोला तालुक्यातील जनतेने समाधान व्यक्त केले आहे.