भ्रष्टाचाराचा पुरावा द्या”; संजय राऊतांच्या आरोपांवर तुकाराम मुंढेंचे उत्तर

अन्न व औषध प्रशासन (FDA) विभागातील कथित भ्रष्टाचार आणि वसुलीच्या आरोपांवरून खासदार संजय राऊत आणि FDA आयुक्त तुकाराम मुंढे यांच्यात चर्चा सुरू झाली आहे. संजय राऊत यांनी FDA मधील काही अधिकाऱ्यांकडून हॉटेल, रेस्टॉरंट आणि क्विक-कॉमर्स व्यवसायांकडून पैशांची मागणी केली जात असल्याचा आरोप केला होता.
या आरोपांना उत्तर देताना तुकाराम मुंढे यांनी ठोस पुरावे सादर करण्याचे आवाहन केले आहे. भ्रष्टाचारासंदर्भात कोणाकडे माहिती किंवा पुरावे असतील, तर ते थेट FDA किंवा लाचलुचपत प्रतिबंधक विभागाकडे द्यावेत, असे त्यांनी सांगितले. तक्रारदारांची ओळख गोपनीय ठेवली जाईल, असेही मुंढे यांनी स्पष्ट केले.
दरम्यान, राऊत यांनी FDAच्या कारवाईचे कौतुक करतानाच विभागातील काही अधिकाऱ्यांवर गंभीर आरोप केले होते. त्यांच्याकडे या आरोपांचे व्हिडिओ रेकॉर्डिंग असल्याचाही त्यांनी दावा केला होता.
तुकाराम मुंढे यांच्या नेतृत्वाखाली FDAकडून मोठ्या प्रमाणात तपासण्या आणि परवाने निलंबित करण्याची कारवाई करण्यात आल्याचेही त्यांनी सांगितले. त्यामुळे राऊत यांच्या आरोपांनंतर आता संबंधित पुरावे समोर येतात का आणि त्यावर पुढील चौकशी होते का, याकडे लक्ष लागले आहे.