बॉलिवूड अभिनेत्री विद्या बालन आणि तिचे पती, फिल्म प्रोड्यूसर सिद्धार्थ रॉय कपूर यांचा मुंबई विमानतळावरील एक रोमँटिक क्षण सध्या सोशल मीडियावर चर्चेत आहे. विमानतळावर दोघे एकत्र दिसले. यावेळी त्यांनी एकमेकांना मिठी मारली आणि किस केल्याचे फोटो आणि व्हिडीओ कॅमेऱ्यात कैद झाले.
विद्या बालन विमानतळाच्या दिशेने जात असताना सिद्धार्थ रॉय कपूर तिला सोडण्यासाठी आल्याचे दिसून आले. दोघांनी काही वेळ पापाराझींसमोर पोझ दिल्यानंतर एकमेकांना जवळ घेतले. त्यानंतर दोघांनी किस केले आणि मिठी मारत एकमेकांचा निरोप घेतला. या क्षणांचा व्हिडीओ समोर आल्यानंतर तो सोशल मीडियावर वेगाने व्हायरल झाला आहे.
विद्या आणि सिद्धार्थ हे साधारणपणे त्यांचे वैयक्तिक आयुष्य फारसे सार्वजनिक करत नाहीत. त्यामुळे मुंबई विमानतळावर कॅमेऱ्यात कैद झालेला हा खास क्षण चाहत्यांचे लक्ष वेधून घेत आहे. सोशल मीडियावर या जोडीच्या केमिस्ट्रीची चर्चा होताना दिसत आहे.
विद्या बालन आणि सिद्धार्थ रॉय कपूर यांनी 14 डिसेंबर 2012 रोजी लग्न केले. लग्नाआधी दोघे काही काळ एकमेकांना डेट करत होते. त्यांच्या नात्याची सुरुवातही फिल्म इंडस्ट्रीशी संबंधित कामाच्या निमित्ताने झाल्याचे वृत्त आहे.
लग्नाला जवळपास 14 वर्षे झाली असतानाही दोघांमधील प्रेम आणि आपुलकीची झलक वेळोवेळी पाहायला मिळते. आता विमानतळावरील या रोमँटिक क्षणांमुळे विद्या बालन आणि सिद्धार्थ रॉय कपूर पुन्हा एकदा चर्चेत आले आहेत.
