बॉलीवूड अभिनेत्री शिल्पा शेट्टी हिचा नवरा राज कुंद्रा पुन्हा एकदा अडचणीत आला आहे. राज याने अन्य कलाकारांची मदत घेऊन फाईव्ह स्टार हॉटेलमध्ये पॉर्न फिल्म शूट केल्याचा आरोप करण्यात आला आहे. राजला शर्लिन चोप्रा आणि पूनम पांडे यांनीही मदत केल्याचा दावा करण्यात आला आहे.
याबाबत महाराष्ट्र सायबर पोलिसांनी आरोपपत्र दाखल केले आहे. या सर्वांनी मिळून अश्लील मजकूर तयार करून तो ओटीटी फ्लॉटफॉर्मवर विकल्याचा आरोप आला आहे. इतकेच नव्हे तर या सर्वांविरोधात 450 पानी आरोपपत्र दाखल करण्यात आले आहे. वेबसाईटवर अश्लील व्हिडिओ बनवून विकणाऱ्या टीममध्ये राजचा समावेश होता.
यातून त्याने भरपूर पैसे कमावले. हे सर्व बेकायदेशीर असल्याची जाणीव असून देखील तो या गुन्ह्यात सहभागी झाला. यासाठी त्याला शर्लिन चोप्रा आणि पूनम पांडे यांनी मदत केल्याचा आरोप आहे. पुनमने काही अश्लील व्हिडिओ शूट करून घेतले, असा दावा करण्यात आला आहे.
