सॅमसंग कंपनीने आपला आजवरचा सर्वात महागडा आणि प्रिमियम फोल्डेबल स्मार्टफोन ‘Samsung Galaxy Z Fold 8 Ultra’ अखेर भारतात लॉन्च केला आहे. या फोनची सुरुवातीची किंमत तब्बल 2 लाख रुपये असून, टॉप व्हेरियंट 2.50 लाख रुपयांपेक्षाही जास्त किमतीत उपलब्ध होईल. या फोनची प्री-बुकिंग आता भारतात अधिकृतपणे सुरू झाली आहे. चला तर मग याविषयीची माहिती पुढे जाणून घेऊया.
भारतात प्रीमियम फोल्डेबल फोनची वाट पाहणाऱ्यांसाठी सॅमसंगने नवीन धमाका केला आहे. ‘ Samsung Galaxy Z Fold 8 Ultra ‘ च्या लॉन्चिंगसह कंपनीने आकर्षक ऑफर्सचाही खुलासा केला आहे. 2 लाख रुपयांपासून सुरू होणाऱ्या या फोनची किंमत एवढी आहे की, तितक्या पैशात एक जुनी कार सहज खरेदी करता येऊ शकते.
Samsung Galaxy Z Fold 8 Ultra भारतीय बाजारात ग्राहकांसाठी लाँच करण्यात आला आहे. सॅमसंगचा सर्वात महागडा फोल्डेबल फोन लंडनमधील गॅलेक्सी अनपॅक्ड इव्हेंटमध्ये लाँच करण्यात आला आहे, यावर्षी कंपनीने फोल्डेबल फोनचे नाव बदलले आहे.
Samsung Galaxy Z Fold 8 Ultra हा फोन गेल्या वर्षीच्या गॅलेक्सी झेड फोल्ड 7 चा खरा सक्सेसर आहे. फीचर्सबद्दल बोलायचे झाले तर या फोनमध्ये सर्वात शक्तिशाली स्नॅपड्रॅगन प्रोसेसरचा वापर करण्यात आला आहे.
Samsung Galaxy Z Fold 8 Ultra किंमत भारतात किती?
भारतात या फोनच्या 12 GB रॅम आणि 256 GB व्हेरिएंटची किंमत 1,99,999 रुपये आहे. 12 GB रॅम आणि 512 GB स्टोरेज व्हेरिएंटची किंमत 2,19,999 रुपये आणि 16 GB रॅम आणि 1 TB व्हेरिएंटची किंमत आहे. कंपनीच्या अधिकृत साइटवर फोनची प्री-बुकिंग सुरू झाली आहे. फोनची किंमत इतकी जास्त आहे की या किंमतीत कोणतीही जुनी कार सहज मिळू शकते.
लाँच ऑफरअंतर्गत तुम्ही 10,000 रुपयांचा अपग्रेड बोनस किंवा बँक आणि यूपीआय व्यवहारांवर 9000 रुपयांपर्यंत त्वरित कॅशबॅक निवडू शकता. याव्यतिरिक्त, खरेदीदार काही एनबीएफसी भागीदारांद्वारे शून्य डाउन पेमेंटसह 30 महिन्यांपर्यंतचे नो-कॉस्ट ईएमआय किंवा सहभागी बँकांद्वारे नऊ महिन्यांपर्यंत विना-शुल्क EMI निवडू शकतात.
फोनसोबत दोन वर्षांसाठी सॅमसंग केअर+ प्रोटेक्शन प्लॅन देखील दिला जात आहे. ग्राहक गॅलेक्सी फॉरएव्हर प्रोग्रामची निवड देखील करू शकतात, जे सॅमसंग केअर+ अॅक्सिडेंटल डॅमेज प्रोटेक्शनला 55 टक्क्यांपर्यंत खात्रीशीर बायबॅक मूल्यासह एकत्रित करते. हा प्लॅन 24 महिन्यांसाठी 1084 रुपये प्रति महिना नो-कॉस्ट ईएमआय पर्यायाखाली उपलब्ध आहे.
Samsung Galaxy Z Fold 8 Ultra फीचर
- डिस्प्ले: फोनमध्ये 6.5 इंचाचा एमोलेड कव्हर डिस्प्ले आणि 8 इंचाचा एमोलेड इंटर्नल डिस्प्ले दिला आहे. दोन्ही पॅनेल 120 हर्ट्ज पर्यंत व्हेरिएबल रिफ्रेशसह येतात. इतकेच नाही तर फोन 3000 निट्सपर्यंत पीक ब्राइटनेसला सपोर्ट करतो आणि स्क्रीनच्या संरक्षणासाठी कव्हर डिस्प्लेवर कॉर्निंग गोरिल्ला ग्लास सिरॅमिक 3 वापरण्यात आला आहे, तर मागील पॅनेलवर गोरिल्ला ग्लास विक्टस 2 आहे.
- ऑपरेटिंग सिस्टम: हा फोन Android 17 वर आधारित One UI 9 वर चालेल
- कॅमेरा सेटअप: मागील बाजूस तीन कॅमेरे, 200MP वाइड अँगल, 50MP अल्ट्रा-वाइड अँगल आणि 10MP टेलिफोटो सेन्सर आहे. सेल्फीसाठी फ्रंटमध्ये 10 मेगापिक्सलचा सेल्फी कॅमेरा सेन्सर दिला आहे. सॅमसंगने असा दावा केला आहे की फोन सर्वोत्कृष्ट नाईट फोटोग्राफी अनुभवासह येतो, याव्यतिरिक्त फोन 30fps वर 8K व्हिडिओ देखील रेकॉर्ड करू शकतो.
- प्रोसेसर: फोनमध्ये क्वालकॉम स्नॅपड्रॅगन 8 एलिट जनरेशन 5 चिपसेट, 16 जीबी पर्यंत रॅम आणि 1 टीबीपर्यंत इंटरनल स्टोरेज आहे. फोन थंड ठेवण्यासाठी कंपनीने या फोल्डेबल फोनमध्ये ग्रेफाइट कूलिंग स्ट्रक्चरचा वापर केला आहे.
- कनेक्टिव्हिटी: फोनमध्ये वाय-फाय 7, 5 जी, ब्लूटूथ आणि यूएसबी टाइप सी पोर्ट आहे. याशिवाय सुरक्षेसाठी फोनमध्ये साइड-माउंट फिंगरप्रिंट सेन्सर देखील देण्यात आला आहे.
- बॅटरी क्षमता: 45 W वायर्ड चार्जिंगसह 5000 mAh बॅटरी देण्यात आली आहे, हा फोन 20 W वायरलेस चार्जिंगला सपोर्ट करतो.
