Gold Rate Today 09 June 2026 Latest News Updates in Marathi : सलग दुसऱ्या दिवशी सोन्याच्या दरात घट झाली आहे, तर एका दिवस स्थिर राहिल्यानंतर आज चांदीचे भावही कमी झाले आहेत. देशातील दहा प्रमुख शहरांमधील 24, 22, आणि 18 कॅरेट रेट सोन्याचे विक्रीचे दर किती ते जाणून घेऊया.
Gold Rate Today In India : अमेरिका-इराणमधील युद्ध अद्याप काही पूर्णपणे थांबलेले नसून पश्चिम आशियात तणावाची स्थिती कायम आहे. त्यामुळे अनिश्चितता पुन्हा वाढली असून, कच्च्या तेलाच्या किंमतीही वर चढल्या. मात्र या सर्व घडामोडींचा सोन्याच्या किमतीवर परिणाम झाला असून दर घसरले आहेत. तर औद्योगिक मागणीतील कमकुवतपणामुळे चांदीवरही आणखी दबाव निर्माण झाला. सोन्याचा विचार करता, सलग दुसऱ्या दिवशी या धातूची किंमत ओसरली आहे. एका स्थिर दिवसानंतर, 9९ जून रोजी सलग दुसऱ्या दिवशी सोन्याची चमक कमी झाली आहे. गेल्या दोन दिवसांत 24-कॅरेट सोन्याच्या दरात प्रति 10 ग्रॅम 1050 रुपयांची घट झाली आहे, तर 22-कॅरेट सोने 960 रुपयांनी स्वस्त झाले आहे.
त्याआधी, म्हणजेच 7 जून रोजी दर स्थिर राहण्यापूर्वी—सलग तीन दिवसांत 24-कॅरेट सोन्याचे दर 3490 रुपयांनी आणि 22-कॅरेट सोन्याचे दर 3200 रुपयांनी कमी झाले होते. आज राजधानी दिल्लीत 24 -कॅरेट सोन्याच्या दरात प्रति 10 ग्रॅम 10 रुपयांची घट झाली असून, 22-कॅरेट सोन्याचे दरही 10 रुपयांनी कमी झाले आहेत. चांदीचा विचार करता, दर स्थिर राहिल्यानंतर सलग दुसऱ्या दिवशी चांदीच्या किमतीत घट झाली आहे; आज एक किलो चांदीच्या दरात 100 रुपयांची कपात झाली आहे.
देशांतील प्रमुख शहराती सोन्याचे भाव किती ?
दिल्लीत 24 कॅरेटचं 10 ग्रॅम सोनं 1,51,830 तर 22 कॅरेट सोनं हे 1,39,190 रुपयांना आहे. मुंबई आणि कोलकाता येथे 24 कॅरेटच्या 10 ग्रॅम सोन्याचे दर 1,51,680 रुपये आणि 22 कॅरेटची किंमत 1,39,040 रुपये इतकी आहे. चेन्नईत 24 कॅरेट सोनं हे 1,53,480 रुपयांना आणि 22 कॅरेट सोनं हे 1,40,690 रुपयांना मिळतंय. तर बंगळुरूत 24 कॅरेट सोन्याचे दर 1,51,680 आणि 22 कॅरेटचे दर 1,39,040 रुपये इतके आहेत.
| शहर | 24 कॅरेट 10 ग्रॅम सोन्याचा दर | 22 कॅरेट 10 ग्रॅम सोन्याचा दर | 18 कॅरेट 10 ग्रॅम सोन्याचा दर |
| दिल्ली | ₹1,51,830 | ₹1,39,190 | ₹1,13,910 |
| मुंबई | ₹1,51,680 | ₹1,39,040 | ₹1,13,760 |
| कोलकाता | ₹1,51,680 | ₹1,39,040 | ₹1,13,760 |
| चेन्नई | ₹1,53,480 | ₹1,40,690 | ₹1,17,940 |
| बंगळुरू | ₹1,51,680 | ₹1,39,040 | ₹1,13,760 |
| हैदराबाद | ₹1,51,680 | ₹1,39,040 | ₹1,13,760 |
| लखनऊ | ₹1,51,830 | ₹1,39,190 | ₹1,13,910 |
| पाटणा | ₹1,51,730 | ₹1,39,090 | ₹1,13,810 |
| जयपुर | ₹1,51,830 | ₹1,39,190 | ₹1,13,910 |
| अहमदाबाद | ₹1,51,730 | ₹1,39,090 | ₹1,13,810 |
चांदीतही झाली घसरण
चांदीच्या बाबतीत सांगायचं झालं तर, एका दिवसाच्या स्थिरतेनंतर आज सलग दुसऱ्या दिवशीही किमतीत घट झाली आहे. या दोन दिवसांत चांदीच्या प्रति किलो दरात 5100 रुपयांची घसरण झाली आहे; त्याआधीच्या स्थिरतेच्या दिवसापूर्वी, सलग दोन दिवसांत चांदी 15 हजार रुपयांनी स्वस्त झाली होती. आज दिल्लीत चांदीच्या प्रति किलो दरात 100 रुपयांची घट होऊन त्याची किंमत 2,59,900 रुपयांवर आली आहे. इतर प्रमुख महानगरांबद्दल सांगायचं झालं तर मुंबई आणि कोलकातामध्येही चांदीची विक्री त्याच दराने होत आहे. मात्र, चेन्नईमध्ये एक किलो चांदीची किंमत 2,69,900 पये आहे; म्हणजेच या चार प्रमुख महानगरांपैकी चेन्नईमध्ये चांदी सर्वात महाग आहे.
