पंतप्रधान नरेंद्र मोदी यांनी जीवे मारण्याची धमकी देण्यात आली आहे. मुंबई पोलिसांना हा धमकीचा मेसेज आला आहे. अंडरवर्ल्ड डॉन दाऊदच्या हस्तकांकडून हा मेसेज आल्याची सूत्रांची माहिती आहे.
दाऊदचे दोन हस्तक मोदींना जीवे मारणार असल्याचा मेसेज अज्ञात व्यक्तीकडून प्राप्त झाला आहे. या अज्ञात आरोपीने एकूण सात मेसेज मुंबई पोलिसांच्या वाहतूक विभागाच्या व्हॉट्सअँपवर पाठवले आहे.
यात काही ऑडिओ क्लीप आणि फोटोंचा समावेश आहे. मोदी यांना अंडरवर्ल्ड डॉन दाऊद इब्राहिमचे दोन हस्तक ठार मारणार असल्याचे मेसेजमध्ये लिहिले आहे. या प्रकरणाची माहिती मुंबई पोलिसांच्या वाहतूक विभागाने संबंधित गुन्हे शाखा आणि पोलिसांना याची माहिती दिली आहे. सध्या तपास यंत्रणांकडून या प्रकरणाचा सखोल तपास सुरु आहे.