बॉलिवूड अभिनेता विकी कौशलने पालकत्वाच्या अनुभवाबद्दल मनमोकळेपणाने भाष्य केलं आहे. कतरिना कैफ आणि मुलगा विहानसोबतचे क्षण त्याच्यासाठी अत्यंत खास असल्याचं विकीने सांगितलं.
विकीच्या मते, बाबा झाल्यानंतर आयुष्यात झालेला बदल शब्दांत व्यक्त करणं कठीण आहे. मुलाचं पहिलं हसू, नवे हावभाव आणि त्याच्या वाढीतील प्रत्येक छोटा क्षण पाहताना आपल्याला आयुष्य पूर्ण झाल्यासारखं वाटतं, असं त्याने सांगितलं.
कतरिना आणि विहानला एकत्र पाहताना तिच्या चेहऱ्यावरचा आनंद आणि मुलाचं हसू पाहून तो क्षण थांबवून ठेवावा, असं वाटत असल्याचंही विकीने म्हटलं. पालक झाल्यानंतर माणूस अधिक संवेदनशील आणि जबाबदार होतो, असा अनुभव त्याने शेअर केला.
विकीने सांगितलं की, मुलं घरातील वातावरण आणि पालकांच्या वागण्यातून शिकत असतात. त्यामुळे बाबा झाल्यापासून स्वतःच्या वागण्याकडे तो अधिक काळजीपूर्वक पाहू लागला आहे.
कतरिना आणि विकी 7 नोव्हेंबर 2025 रोजी मुलाचे पालक झाले. त्यानंतर जानेवारी 2026 मध्ये त्यांनी मुलाचं नाव ‘विहान कौशल’ असल्याचं जाहीर केलं होतं.
