टॉप न्यूज राजकीय सोलापूर सांगोला महाराष्ट्र भारत क्राईम मनोरंजन

90 किमी ताशी वेगाने वारे धडकणार, 17 राज्यात इशारा, महाराष्ट्रात मॉन्सून दाखल, थेट इशारा..

On: June 7, 2026 11:36 AM
Follow Us:

राज्यात मॉन्सून दाखल झाला आहे. मात्र, यादरम्यानच भारतीय हवामान विभागाने अत्यंत मोठा इशारा दिला. पुढील 24 तास अत्यंत धोक्याची असणार आहेत. अनेक राज्यात पावसाचा मोठा इशारा देण्यात आला. वादळी वाऱ्यासह पाऊस होणार आहे.

90 किमी ताशी वेगाने वारे धडकणार, 17 राज्यात इशारा, महाराष्ट्रात मॉन्सून दाखल, थेट इशारा..

केरळमध्ये दाखल झाल्यानंतर मॉन्सून पुढे सरकत आहे. तळकोकणापर्यंत मॉन्सून पोहोचला आहे. मॉन्सून तळकोकणात असला तरीही देशातील अनेक राज्यात जोरदार पाऊस सुरू आहे. वादळी वाऱ्यासह पाऊस हजेरी लावताना दिसतोय. यादरम्यानच भारतीय हवामान विभागाने अत्यंत मोठा इशारा दिला. 7 जून रोजी पुढील 12 तासांत महाराष्ट्र, उत्तर प्रदेश, बिहार, केरळ आणि तामिळनाडू यांच्यासह तब्बल 17 राज्यात मध्यम ते जोरदार पाऊस होण्याच अंदाज आहे. यादरम्यानच ताशी 80 ते 90 किलोमीटर वेगाने सोसाट्याचा वारा वाहण्याची शक्यता आहे. भारतीय हवामान विभागाने महाराष्ट्र, लडाख, झारखंड,ओडिशा, केरळ, उत्तर प्रदेश, पश्चिम बंगाल, सिक्कीम, अंदमान आणि निकोबार बेटे, गोवा, हिमाचल प्रदेश, उत्तराखंड, माणिपूर, पुदुचेरी, त्रिपुरा या राज्यांमध्ये पावसाचा इशारा दिला.

यादरम्यानच नागरिकांना सावध राहण्यास देखील सांगण्यात आले. पावसावेळी जोरदार वादळी वाऱ्याचाही इशारा देण्यात आला. भारतीय हवामान विभागाच्या अंदाजानुसार, नैऋत्य मोसमी वाऱ्यांनी वेगाने प्रगती करत महाराष्ट्र, गोवा, कर्नाटक, तामिळनाडू असा बराच मोठा भाग व्यापला आहे. पुढील 7 दिवस या भागात जोरदार पाऊस राहण्याचा अंदाज आहे.

हवामान विभागाने असाही अंदाज वर्तवला आहे की, पुढचे 2 ते 5 दिवस मोसमी वारे महाराष्ट्र, तेलंगणा, ओडिसा या भागात येऊ शकते. सध्याच्या परिस्थितीमध्ये मॉन्सून वेगाने पुढे सरकत आहे. उद्यापर्यंत मुंबईत मॉन्सून दाखल होण्याची शक्यता आहे. राज्यात सध्या जो पाऊस सुरू आहे, तो अवकाळी पाऊस आहे. आज राज्यातील अनेक जिल्ह्यांमध्ये हा पाऊस हजेरी लावणार आहे.

भारतीय हवामान विभागाने पुढील काही दिवसांकरिता पावसाचा अंदाज दिला आहे. यासोबतच वादळी वाऱ्यासह पाऊस सुरू असताना सुरक्षित स्थळी राहण्याचा नागरिकांना इशारा देण्यात आला. यंदा मॉन्सून देशात दोन दिवस उशिराने दाखल झाला असला तरीही मॉन्सूनची चांगली वाटचाल सुरू आहे. राज्यात मॉन्सूनला पोषक वातावरण असल्याचेही बघायला मिळत आहे. शेतकरी गेल्या काही दिवसांपासून मॉन्सूनच्या पावसाची वाट पाहत आहेत. गोव्यातून तळकोकणात हा मॉन्सून दाखल झाला.

Join WhatsApp

Join Now

Join Telegram

Join Now

पुढे वाचा

Jaykumar Gore on Satara District Bank Chairman Election 2026: शंभुराज देसाईंनी धक्काबुक्कीचा वचपा काढला, अध्यक्षपदाच्या निवडणुकीनंतर जयकुमार गोरेंचा चेहरा पडला, शांतपणे बाहेर चालत आले अन् म्हणाले…

FASTag वापरताय? बॅलन्स कमी असल्यास टोल नाक्यावर भरावा लागेल दुप्पट टोल; प्रवासाला निघण्यापूर्वी हे नियम जाणून घ्या

Latur DCC Bank Election Result 2026: लातूर जिल्हा मध्यवर्ती सहकारी बँकेचा निकाल जाहीर; देशमुखांच्या सहकार पॅनला स्पष्ट बहुमत, पाहा विजयी उमेदवारांची यादी

Pandharpur Ambegaon Well Collapse: विहिरीच्या मोजमापासाठी उतरले, अचानक ढिगारा कोसळल्याने अडकले; 24 तासांनी 4 मजूरांचे मृतदेह सापडले, पंढरपुरातील आंबेगावातील सुन्न करणारी घटना

अखेर आतली बातमी फुटलीच? विलिनीकरणावर विजय वडेट्टीवार यांचं मोठं विधान, कुणाला मंत्रिपद…

मोठी बातमी! दिल्लीत घडामोडींना वेग; सुप्रिया सुळे, प्रफुल्ल पटेलांमध्ये बैठक