Vidhan Parishad Election 2026: राज्यातील आगामी विधानपरिषद निवडणुकीसाठी आज उमेदवारी अर्ज भरण्याचा अंतिम दिवस असतानाच पुणे स्थानिक स्वराज्य संस्था मतदारसंघातून एक मोठी घडामोड समोर येत आहे.
Vidhan Parishad Election 2026: राज्यातील आगामी विधानपरिषद निवडणुकीसाठी (Vidhan Parishad Election 2026) आज उमेदवारी अर्ज भरण्याचा अंतिम दिवस (Deadline) असतानाच पुणे स्थानिक स्वराज्य संस्था मतदारसंघातून एक अत्यंत नाट्यमय घडामोड समोर येत आहे. रविवारी रात्री पुण्यातील राष्ट्रवादी काँग्रेसच्या (NCP) कार्यालयात तब्बल पाच तास सुरु असलेल्या मॅरेथॉन बैठकीनंतर रात्री दीड वाजता विक्रम काकडे (Vikram Kakde) यांच्या नावावर शिक्कामोर्तब झाल्याची चर्चा होती. मात्र, आज सकाळ उजाडली तरी विक्रम काकडे यांच्यापर्यंत पक्षाचा अधिकृत ‘एबी फॉर्म’ (AB Form) पोहोचलेला नाही. त्यामुळे पुणे विधानपरिषदेच्या जागेचा सस्पेन्स पुन्हा एकदा कमालीचा वाढला आहे.
Vidhan Parishad Election 2026: ‘जिजाई’ निवासस्थानी नेत्यांची तातडीची बैठक
सध्या पुण्याचे अंतिम नाव अजूनही गुलदस्त्यात असल्यामुळे पुण्यातील ‘जिजाई’ या निवासस्थानी सुनेत्रा पवार (Sunetra Pawar) यांच्या उपस्थितीत तातडीची बैठक सुरू झाली आहे. या बैठकीला आमदार सुनील शेळके (Sunil Shelke) आणि माजी आमदार विलास लांडे (Vilas Lande) उपस्थित आहेत. आज दुपारी 3 वाजेपर्यंतच उमेदवारी अर्ज भरण्याची अंतिम वेळ असल्याने नेत्यांची धाकधूक वाढली आहे. आता या बैठकीत नेमका काय निर्णय होणार? हे पाहणे महत्त्वाचे ठरणार आहे.
Vidhan Parishad Election 2026: विक्रम काकडेंना एबी फॉर्मच मिळाला नाही
या जागेवरून लढण्यासाठी अजितदादा गटातील अनेक नेते इच्छुक होते. ही जागा राष्ट्रवादी काँग्रेसकडेच राहावी, यासाठी स्थानिक नेते प्रचंड आग्रही होते, तर दुसरीकडे भाजपचे (BJP) नेतेही या जागेसाठी गळ टाकून बसले होते. अखेर, मुख्यमंत्री देवेंद्र फडणवीस (Devendra Fadnavis) यांच्या एका फोननंतर ही जागा राष्ट्रवादी काँग्रेसला जाईल हे स्पष्ट झाले. मुख्यमंत्र्यांकडून विक्रम काकडे यांच्या नावाला ‘ग्रीन सिग्नल’ मिळाल्यानंतर काल रात्री 8:30 वाजता सुरू झालेल्या बैठकीत त्यांच्या उमेदवारीवर शिक्कामोर्तब करण्यात आल्याची चर्चा रंगली होती. या बैठकीला माजी खासदार संजय काकडे (Sanjay Kakde) हे देखील उपस्थित होते. मात्र, विक्रम काकडे यांच्यापर्यंत पक्षाकडून अद्याप AB फॉर्म पोहोचलेला नाही, यामुळे राजकीय वर्तुळात चर्चांना उधाण आले आहे. आता पुणे विधानपरिषदेसाठी राष्ट्रवादी उमेदवार नक्की कोण असणार? याकडे सर्वांचे लक्ष लागले आहे.
Who is Vikram Kakde: कोण आहेत विक्रम काकडे?
1) खासदार संजय काकडे यांचे चिरंजीव.
2) अजित पवारांचे निष्ठावंत कार्यकर्ता.
3) महाराष्ट्राचे मुख्यमंत्री देवेंद्र फडणवीस यांचे विश्वासू.
5) 4 वर्ष स्टेट शुटींग चॅम्पियन, राष्ट्रीय पातळीवरील संघात देखील सहभाग.
6) आंतरराष्ट्रीय पातळीवर इटली, फ्रान्स जर्मनी, थायलंड येथील थाय ओपन स्पर्धेतदेखील सहभाग.
