Bigg Boss Marathi 6: बिग बॉस मराठी आता शेवटच्या टप्प्यात पोहोचला आहे. लवकरच बिग बॉस मराठीच्या सहाव्या पर्वाचा महाअंतिम सोहळा होणार आहे.
Bigg Boss Marathi 6: गेल्या काही दिवसांपासून बिग बॉस मराठीचे सहावे पर्व (Bigg Boss Marathi 6) चांगलेच चर्चेत आहे. गेल्या आठवड्यात बिग बॉसच्या घरातून प्रभू शेळके आणि वाइल्ड कार्ड एन्ट्री म्हणून आलेला संकेत पाठक दोघांनाही घराबाहेर पडावं लागलं. आता बिग बॉसच्या घरात केवळ आठ सदस्य राहिले आहेत. आठवडाभरानंतर प्रेक्षकांना उत्सुकता होती ती बिग बॉसच्या घरातून या आठवड्यात कोणाचा एलिमिनेशन होणार याची. कलर्स मराठीने शेअर केलेल्या प्रोमोखाली येत असणाऱ्या कमेंट्समध्ये चाहते या स्पर्धकाला घराबाहेर काढा अशा मागण्या कायम करताना दिसतात. आता अनेक दिवसांपासून ट्रॉल होणारं एक नाव बिग बॉसच्या घराबाहेर पडणार आहे. या स्पर्धकाचं नावही समोर येताना दिसतंय. (BBM6 Eviction)
कोण झालं एलीमिनेट?
बिग बॉस मराठी आता शेवटच्या टप्प्यात पोहोचला आहे. लवकरच बिग बॉस मराठीच्या सहाव्या पर्वाचा महाअंतिम सोहळा होणार आहे. बिग बॉसच्या घरातील शेवटची कॅप्टन होण्याचा मान रेवा कौरासेला मिळाला. त्यामुळे रेवा सेफ आहे. तिच्यानंतर राखीच्या नावाची चर्चा होती पण राखी ही सध्या प्रचंड चर्चेत आहे. तिचा गेमचा ग्राफही चांगला असल्याचीच चर्चा आहे. त्यामुळे राखीही घराबाहेर पडलेली नाही. घराबाहेर पडलेल्या स्पर्धकाचे नाव सागर कारंडे असल्याचं कळतंय. गेल्या काही दिवसांपासून सागर प्रचंड ट्रोल होतोय. त्याला घरातून बाहेर काढण्याची ही मागणी वारंवार होताना दिसते. सागर घराबाहेर गेल्याचा समजताच प्रेक्षकांनीही हा बिग बॉसचा बेस्ट डिसिजन असल्याचा म्हटलंय. तर काहींनी सागरच्या आत्तापर्यंतच्या प्रवासाचा कौतुक केलंय. एक प्रगल्भ अभिनेता बिग बॉसच्या घराबाहेर पडल्याचा कळाल्याने अनेक चाहत्यांना धक्काही बसलाय. अद्याप, सागरच्या नावाची केवळ चर्चा असून अद्याप अधिकृत नाव जाहीर झालेले नाही.
सागरला गेल्या तीन वर्षांपासून बिग बॉसमध्ये सहभागी होण्याचं आमंत्रण होतं. पण यावेळी त्यांनी स्वीकारले. पहिल्याच आठवड्यात रितेश भाऊंनी त्याच्या खेळाचं कौतुक केलं होतं. त्याची आणि राखीची जोडी प्रेक्षकांना चांगलंच हसवताना दिसली. सागरने त्याचा गेममधूनही तो चांगला स्पर्धक असल्याच सिद्ध केला आहे. गेल्या काही दिवसांपासून तो सोशल मीडियावरही ट्रोल होताना दिसतोय. त्याच्या गेमविषयीही प्रेक्षकांमध्ये नाराजी होती. बिग बॉस मराठीच्या घरात आता एकूण आठ सदस्य आहेत. यामध्ये रेवा कौरासे, राखी सावंत, तन्वी कोलते, अनुश्री माने, राकेश बापट, सागर कारंडे, दिपाली सय्यद, विशाल कोटियन यांचा समावेश आहे. या आठवड्याच्या नॉमिनेशन टास्कमध्ये सागर, राखी, राकेश, रेवा आणि विशाल हे सदस्य नॉमिनेट आहेत.
