Jalana Bus Fire: 27 प्रवाशांना घेऊन बस पुण्याहून यवतमाळला निघाली; जालन्यात पोहोचताच भीषण आग, भयावह PHOTO

Jalana Bus Fire: जालन्यात खाजगी ट्रॅव्हल्स बसला अचानक भीषण आग लागल्याची घटना घडली.

सदर घटनेत संपूर्ण खाजगी बस जळून खाक झाली.

छत्रपती संभाजीनगर जालना रोडवरील शेलगाव जवळ पहाटे तीनच्या सुमारास ही घटना घडली.

ट्रॅव्हल्सच्या टायरचे घर्षण झाल्याने आग लागल्याची प्राथमिक माहिती समोर येत असून या खाजगी ट्रॅव्हल्स मध्ये 27 प्रवासी प्रवास करत होते.

सर्व प्रवासी सुखरूप असल्याची माहिती पोलिसांनी दिली. ही खाजगी बस पुण्यावरून यवतमाळच्या दिशेने जात होती.

सदर आग इतकी भीषण होती की यासाठी अग्निशमन दलाला आग आटोक्यात आणण्यासाठी दीड तास लागले.