IND vs PAK Match Womens World Cup ODI: भारत आणि पाकिस्तान असा सामना आज खेळवला जाणार आहे. हा सामना कुठे पाहता येईल ते जाणून घ्या…
कोलंबो: भारत आणि पाकिस्तान यांच्यातील फायनल सामना आशिया कपमध्ये पाहायला मिळाला. या सामन्यात भारताचा विजय झाला. भारताने आशिया कपची ट्रॉफी जिंकली. आता या गोष्टीला आज एक आठवडा पूर्ण होईल तेवढ्यातच भारत आणि पाकिस्तानचा सामना आज पुन्हा रंगेल. India vs Pakistan सामना म्हटलं की चर्चा तर होणारच. आता हा सामना कुठे, किती वाजता पाहता येणार ते जाणून घ्या…
Womens ODI World Cup 2025 सहाव्या सामन्यात भारत आणि पाकिस्तान महिला संघ कोलंबोमध्ये एकमेकांसमोर येतील. हरमनप्रीत कौरच्या नेतृत्वाखालील भारतीय संघ स्पर्धेत विजयी घोडदौड सुरू ठेवण्याचा प्रयत्न करेल. फातिमा सनाचा पाकिस्तान संघ बांगलादेशविरुद्धचा पराभव विसरण्याचा प्रयत्न करेल. भारताने गुवाहाटीमध्ये संयुक्त यजमान श्रीलंकेविरुद्धचा पहिला सामना 59 धावांनी जिंकला. आता, त्यांचा सामना कोलंबोमध्ये पाकिस्तानशी होईल. हा सामना देखील पावसाच्या धोक्यात आहे. ऑस्ट्रेलिया आणि श्रीलंकेमधील मागील सामना देखील पावसामुळे रद्द करण्यात आला होता. तीन दिवसांपूर्वी याच मैदानावर पाकिस्तान बांगलादेशविरुद्ध पराभूत झाला.
भारत आणि पाकिस्तानमधील महिला विश्वचषक 2025 सामना कधी खेळला जाईल?
सामना रविवार, 5 ऑक्टोबर रोजी खेळला जाईल.
भारत आणि पाकिस्तानमधील महिला विश्वचषक 2025सामना कुठे खेळला जाईल?
सामना कोलंबोमधील आर. प्रेमदासा स्टेडियमवर खेळला जाईल.
भारत आणि पाकिस्तान सामना किती वाजता सुरू होईल?
भारतीय वेळेनुसार दुपारी 3:00 वाजता सुरू होईल.
भारत आणि पाकिस्तान सामन्याचे थेट प्रक्षेपण कोणत्या चॅनेलवर पाहू शकतो?
थेट प्रक्षेपण स्टार स्पोर्ट्स नेटवर्कवर पाहता येईल.
भारत आणि पाकिस्तान सामन्याचे थेट प्रक्षेपण कुठे होईल?
थेट प्रक्षेपण जिओ हॉटस्टार अॅपवर उपलब्ध असेल.
टीम इंडिया: हरमनप्रीत कौर, स्मृती मानधना, प्रतिका रावल, हरलीन देओल, जेमिमा रॉड्रिग्ज, रिचा घोष, यास्तिका भाटिया, रेणुका सिंग ठाकूर, दीप्ती शर्मा, स्नेह राणा, श्री चरणी, राधा यादव, अमनजोत कौर, अरुंधती रेड्डी, क्रांती गौड.
टीम पाकिस्तान : मुनीबा अली, ओमामा सोहेल, सिद्रा अमीन, रमीन शमीम, आलिया रियाझ, सिद्रा नवाज, फातिमा सना, नतालिया परवेझ, डायना बेग, नशरा संधू, सादिया इक्बाल, शवाल जुल्फिकार, आयमान फातिमा, सय्यदा आरूब शाह, सदफ शमास.
