Tatkal Ticket Booking Rules Change: ही माहिती तुमच्यासाठी अत्यंत महत्त्वाची आहे. तुम्ही रेल्वेचे प्रवासी असाल तर ही बातमी नक्की वाचा. कारण, आता रेल्वेच्या तिकीट बुकिंगचे नियम बदलले आहेत. आता रेल्वेचे हे नवीन नियम नेमके काय आहेत आणि ते कधीपासून लागू झाले आहेत, याची संपूर्ण माहिती आम्ही पुढे दिली आहे, ती माहिती जाणून घ्या.
Tatkal Ticket Booking Rules Change : तुम्ही IRCTC च्या वेबसाईट किंवा मोबाईल अॅपवरून तात्काळ ट्रेनचे तिकीट बुक करण्याचा विचार करत असाल तर आता तुम्ही मोबाईल नंबर तुमच्या आधार कार्डशी लिंक ठेवावा. तिकीट बुक करण्यापूर्वी OTP येईल आणि OTP टाकल्याशिवाय बुकिंग पूर्ण होणार नाही. म्हणजेच आता आधार ऑथेंटिकेशनशिवाय इन्स्टंट तिकीट बुक करणे शक्य होणार नाही.
एजंटांवर कडक निर्बंध, पहिल्या 30 मिनिटांसाठी तिकीट बुकिंग
IRCTC तात्काळ बुकिंगची वेळ उघडल्यावर प्रत्येक वेळी सर्व तिकिटे ताब्यात घेणाऱ्या एजंटांविरोधात रेल्वेने मोठे पाऊल उचलले आहे. AC क्लाससाठी सकाळी 10 ते 10.30 आणि स्लीपर क्लाससाठी सकाळी 11 ते 11.30 या वेळेत एजंटना तिकीट बुक करता येणार नाही. ही वेळ आता केवळ सर्वसामान्य प्रवाशांसाठी असेल, त्यामुळे त्यांनाही कन्फर्म तिकीट मिळण्याची संधी मिळणार आहे.
IRCTC खात्याशी आधार लिंक असणे आवश्यक
जर तुम्ही अद्याप तुमच्या IRCTC खात्याशी आधार क्रमांक लिंक केला नसेल तर ताबडतोब करा. कारण आता जेव्हा तुम्ही तिकीट बुक करायला जाल तेव्हा तुमच्या IRCTC खात्यात आधार लिंक नसेल तर OTP प्रक्रिया पूर्ण होणार नाही आणि तुमचे तिकीट बुकिंग फेल होऊ शकते.
तात्काळ तिकीट बुकिंगमध्ये प्रथमच आला ‘हा’ नियम
यापूर्वी तिकीट बुक करताना OTP येत नव्हता. एजंट सॉफ्टवेअरच्या माध्यमातून सेकंदात डझनभर तिकिटे बुक करत असत. पण आता रेल्वेने आपल्या प्रवासी आरक्षण प्रणालीत (PRS) तांत्रिक बदल करून आधार OTP पडताळणी बंधनकारक केली आहे.
‘हे’ नियम संपूर्ण देशाला लागू होतील
ही नवी प्रणाली भारतातील सर्व रेल्वे झोनमध्ये लागू करण्यात आली आहे. तुम्ही दिल्लीहून बंगळुरूला जात असाल किंवा पाटण्याहून मुंबईला जात असाल, आता सगळीकडे तात्काळ तिकिटे केवळ आधार OTP द्वारे बुक केली जातील.
काउंटरवरून तिकीट बुक करणाऱ्यांना आधार क्रमांकही द्यावा लागणार
रेल्वे स्टेशनवर जाऊन तिकीट बुक केलं तर तिथेही बदल होणार आहे. काउंटरवरून बुकिंग करताना तुम्हाला आधार नंबर द्यावा लागेल आणि OTP व्हेरिफिकेशन करावे लागेल. मोबाइल क्रमांक आधारशी लिंक झाल्यावरच तिकीट बुक केले जाईल.
आधार लिंक नसेल तर तुम्हाला तिकीट मिळणार?
जर तुमचा मोबाईल नंबर आधारशी लिंक नसेल तर तात्काळ तिकिटे बुक केली जाणार नाहीत. त्यामुळे आधार आणि मोबाइल एकमेकांशी जोडले जाणे गरजेचे आहे. तसेच जर तुम्ही दुसर् या कोणासाठी तिकीट बुक करत असाल तर त्याचा आधार नंबर आणि OTP देखील आवश्यक असेल.
सध्या ‘हा’ नियम केवळ तात्काळ तिकिटांवर लागू
हा नवा नियम केवळ तात्काळ तिकीट बुकिंगसाठी असल्याचे रेल्वेकडून सांगण्यात आले आहे. सामान्य तिकिटे किंवा प्रतीक्षा यादीतील तिकिटांसाठी आधारची आवश्यकता नाही. पण येत्या काळात हीच प्रक्रिया काउंटरवरून बुक केलेल्या तिकिटांनाही लागू केली जाऊ शकते.
संपर्क कुठे साधावा?
तुम्हाला OTP मिळत नसेल किंवा आधार लिंक करण्यात अडचण येत असेल तर तुम्ही IRCTC हेल्पलाइन 139 किंवा UIDAI हेल्पलाइन 1947 वर कॉल करू शकता. तसेच जवळच्या रेल्वे स्थानकाच्या आरक्षण काऊंटरवर जाऊन मदत मिळवता येते.
