सांगोला-
सांगोला तालुक्यातील, गावातील बेरोजगार युवक युवतींसाठी प्रथम एज्युकेशन फाउंडेशनच्या वतीने सर्व कोर्सेस ऍडमिशन चालू असून सांगोला तालुक्यात प्रथम एज्युकेशन व पोलीस वेलफेअर फाऊंडेशनच्यावतीने सांगोला येथे कॅम्प घेवून तालुक्यातील बेरोजगार तरूण-तरूणींना स्वयंरोजगारातून स्वावलंबनासाठी, तसेच नोकरीची संधी मिळवून देण्यासाठी सांगोल्याचे पोलीस निरीक्षक विनोद घुगे यांच्याशी प्रथम एज्युकेशन फाऊंडेशनचे तालुका समन्वयक बापूसाहेब ठोकळे यांनी चर्चा केली.यावेळी पोलीस निरीक्षक विनोद घुगे यांनी सकारात्मक प्रतिसाद दिली असल्याची माहिती सांगोला तालुका समन्वयक बापूसाहेब ठोकळे यांनी दिली आहे.
सांगोला तालुक्यातील बेरोजगार युवक युवतींना या कोर्सची संधी मिळेल व 100% नोकरीची संधी मिळणार असून युवक युवतींना करिअर करण्याची संधी मिळणार आहे. व नोकरी नंतर व्यवसाय करण्याची संधीही मिळणार आहे. प्रशिक्षण कालावधीत राहण्याची व जेवणाची सोय उपलब्ध आहे.
या प्रथम एज्युकेश फाऊंडेशनच्यावतीने इलेक्ट्रिकल, टू व्हीलर मेकॅनिकल, फोर व्हीलर मेकॅनिकल, नर्सिंग (जीडीए), हॉटेल मॅनेजमेंट हॉस्पिटॅलिटी, प्लंबिंग, कन्ट्रक्शन, वेल्डिंग, ब्युटी पार्लर इत्यादी कोर्स उपलब्ध आहेत तरी सांगोला तालुक्यातील सर्व सरपंच, उपसरपंच, आशाताई, अंगणवाडी सेविका, बचत गटाची सदस्य, व नोकरदार वर्ग यांनी आपल्या जवळच्या बेरोजगार युवक-युवतींना याविषयी माहिती सांगून या प्रशिक्षणाचा लाभ द्यावा असे आवाहन प्रथम एज्युकेशन फाऊंडेशनचे सांगोला तालुका समन्वयक बापूसाहेब ठोकळे यांनी केले आहे. अधिक माहितीसाठी 9421041433 या क्रमांकाशी संपर्क साधावा.
