Koyna Dam: उघडे पडलेले डोंगर, मागे सरकलेलं पाणी… कोयना धरणाचे हादरवणारे फोटो

महाराष्ट्राची भाग्यलक्ष्मी म्हणून ओळखल्या जाणाऱ्या कोयना धरणातील पाणीसाठा धोक्याच्या पातळीवर पोहोचला आहे.

105 टीएमसी क्षमता असलेल्या धरणात सध्या केवळ 10.44 टीएमसी पाणी शिल्लक आहे.

एबीपी माझाच्या प्रेक्षकांसाठी कोयना धरणाच्या सध्याच्या भीषण स्थितीचं एक्सक्लुझिव्ह ड्रोन शूट..

पावसाने जूनच्या पहिल्या आठवड्यात हजेरी न लावल्याने धरण परिसरातील डोंगर उघडे पडले असून, बॅकवॉटर मोठ्या प्रमाणात मागे सरकलं आहे.

याचा फटका पर्यटन, बोट व्यवसाय आणि स्थानिक अर्थव्यवस्थेला बसत आहे.

कोयना धरणातील भीषण परिस्थिती

कोयना धरणाचे दृश्य

सात दशकांपूर्वी पाण्याखाली गेलेलं एक संपूर्ण गाव नेमकं कसं दिसतं… हे दृश्य आपण सध्या एबीपी माझाच्या प्रेक्षकांना दाखवत आहोत. कोयना धरणातील पाणीपातळी खालावल्याने तब्बल सात दशकांपूर्वी जलसमाधी घेतलेल्या जुन्या कसबा पेठ बामणोली गावाचे अवशेष पुन्हा एकदा समोर आले आहेत.

प्राचीन मंदिरे, दगडी पूल आणि घरांचे अवशेष पाहण्यासाठी पर्यटकांची गर्दी होत आहे.१९५२ मध्ये कोयना धरण उभारणीमुळे हे संपूर्ण गाव जलाशयाखाली गेले., या ऐतिहासिक वारशाचे दर्शन घेण्यासाठी बामणोली परिसरातील ग्रामस्थांसह पर्यटकही मोठ्या संख्येने येथे येऊ लागले आहेत. जलाशयाच्या तळाशी दडलेला हा प्राचीन ठेवा सध्या सर्वांचेच लक्ष वेधून घेत आहे.