मोठी बातमी समोर येत आहे, एकीकडे अमेरिकेकडून इराणसोबत शांती वार्ताच्या दुसऱ्या फेरीची तयारी सुरू आहे. मात्र दुसरीकडे अमेरिकेनं समुद्रात मोठा खेळ केला आहे. त्यामुळे आता शांती वार्ता होणार का? असा प्रश्न उपस्थित करण्यात येत आहे.
अमेरिका आणि इराणमध्ये युद्धविराम संपण्यासाठी आता अवघे काही तास शिल्लक राहिले आहेत. इराण आणि अमेरिका युद्धावर तोडगा निघणार का? शांती वार्ता यशस्वी होणार का? याकडे संपूर्ण जगाचं लक्ष लागलं आहे. सोमवारी अमेरिकेनं इराणचं एक व्यापारी जहाज आपल्या ताब्यात घेतलं होतं. त्यामुळे मोठा तणाव निर्माण झाला होता, आम्ही याचा बदला घेऊ अशी धमकी देखील इराणने अमेरिकेला दिली होती. दरम्यान त्यानंतर आता मध्य पूर्वेतून मोठी खळबळ उडवणारी बातमी समोर आली आहे. यामुळे अमेरिका आणि इराणच्या शांती वार्ताच्या दुसऱ्या फेरीवर प्रश्नचिन्ह निर्माण झालं आहे. अमेरिकेनं पुन्हा एकदा समुद्रात मोठं कांड केलं आहे, त्यामुळे आता इराणचा संयम सुटल्याचं पहायला मिळत आहे.
अमेरिकेच्या नौदलानं समुद्रात एक हय होल्टेज ऑपरेशन पार पाडलं आहे, हा इराणसाठी अत्यंत मोठा धक्का मानला जात आहे. अमेरिकेनं इराणशी संबंधित असलेल्या आणखी एका तेलाच्या जहाजावर हल्ला केला आहे. हे जहाज अमेरिकेन ताब्यात घेतलं आहे. विशेष म्हणजे एकीकडे अमेरिका इराणसोबत युद्धविरामावर वाटाघाटी करण्याचं नाटक करत आहे, तर दुसरीकडे मात्र अमेरिकेकडून इराणच्या जहाजांवर हल्ले सुरूच आहेत, त्यामुळे अमेरिका आणि इराणमध्ये आता पाकिस्तानात शांती वार्ता होणार का? असा सवाल उपस्थित झाला आहे.
विशेष म्हणजे अमेरिकेनं एकही गोळी न चालवता हे ऑपरेशन राबवलं आणि हे तेलाचं जहाज आपल्या ताब्यात घेतलं आहे. त्यानंतर यावर इराणकडून देखील तातडीने प्रतिक्रिया आली आहे. आम्ही शांत बसणार नाही, अमेरिकेला आम्ही उत्तर देऊ असं इराणने म्हटलं आहे. याबाबत अमेरिकेच्या संरक्षण मंत्रालयाने पोस्ट करत या जहाजाला ताब्यात घेतल्याची माहिती दिली आहे. समोर आलेल्या माहितीनुसार अमेरिकेच्या कमांडोंनी या जहाजावर अचानक छापा टाकला, त्यांनी जहाजांवरील क्रूला हालचाल करण्याची संधी देखील दिली नाही, त्यानंतर लगेचच त्यांनी हे जहाज आपल्या ताब्यात घेतलं. दरम्यान अमेरिकेच्या या कारवाईमुळे आता शांती वार्ताची शक्यता कमी झाली आहे.
