हिवाळ्यात फ्रिज किती तास चालू ठेवावा? वीज वाचवण्यासाठी या टिप्स पाहाच

आजकाल रेफ्रिजरेटर प्रत्येक घरात गरजेचा विषय बनला आहे. दीर्घकालीन नुकसान टाळण्यासाठी आणि वीज वाचवण्यासाठी, तुमचा रेफ्रिजरेटर किती वेळ आणि कोणत्या तापमानाला चालवायचा हे तुम्हाला माहित असले पाहिजे.

आजच्या घरगुती उपकरणांमध्ये रेफ्रिजरेटर हा सर्वात आवश्यक आणि सतत वापरला जाणारा घटक बनला आहे. अन्न टिकवून ठेवणे, ताजेपणा राखणे आणि फंगस–बॅक्टेरिया यांची वाढ थांबवणे या सर्व गोष्टींसाठी तो सतत चालू ठेवला जातो. पण हिवाळ्याच्या दिवसांत बाहेरचे तापमान आधीच कमी असल्याने अनेकांना एक प्रश्न पडतो या काळात फ्रीज २४ तास चालू ठेवणे गरजेचे आहे का? किंवा किती वेळ चालू ठेवला तरी चालते? हिवाळ्यात थंडी जास्त असल्यामुळे अनेक खाद्यपदार्थ सहज खराब होत नाहीत. त्यामुळे काही जण फ्रीज बंद ठेवण्याचा विचार करतात. मात्र हा पर्याय तसा योग्य नाही. तापमानात होणारा अचानक बदल अन्नावर परिणाम करतो आणि बॅक्टेरियांची वाढ होते. अशात अनेकांना प्रश्न पडतो की हिवाळ्यात रेफ्रिजरेटर किती तास चालू ठेवावा? चला त्याबद्दल जाणून घेऊया.

हिवाळ्यात फ्रीज किती वेळ आणि कोणत्या सेटिंगवर चालवावा?

• तज्ज्ञ सांगतात की थंड हवेच्या दिवसांत फ्रीज वारंवार बंद–चालू करणं टाळावं. त्याऐवजी:
• कूलिंग लेव्हल कमी करा – हिवाळ्यात फ्रीजची सेटिंग 1 किंवा 2 नंबरवर ठेवणे पुरेसे असते. हे साधारण 3°C ते 5°C तापमानाला अनुरूप असते.
• डिजिटल फ्रीज असल्यास तुम्ही सहजपणे थेट तापमान नियंत्रित करू शकता.
• जुन्या मॉडेलमध्ये 2 किंवा 3 अंकाच्या सेटिंगवर फ्रीज चालवणे उत्तम.
• जर फ्रीज पूर्णपणे भरलेला असेल, तर सेटिंग एक पायरीने वाढवून 3 किंवा 4 वर ठेवता येईल.

किती तास फ्रीज चालू ठेवावा?

• साधारणपणे एक घरगुती रेफ्रिजरेटर दररोज १ ते २ युनिट वीज खर्च करतो.
• वीज बचतीसाठी तुम्ही फ्रीज १८ ते २० तास सतत चालू ठेवू शकता. काही तासांसाठी बंद केल्यास ऊर्जा कमी खर्च होते.
• मात्र, फ्रीज स्वतःचे तापमान राखण्यासाठी कंप्रेसर आपोआप चालू-बंद होत असतो. त्यामुळे वारंवार मेन स्विचमधून ऑफ ऑन करणे टाळा.

कधी इको-मोड किंवा मिडियम कूलिंगवर ठेवावे?

• घरात कोणी नसताना
• फ्रीजमध्ये सामान खूप कमी असताना
• सतत दरवाजा उघडत नसाल तेव्हा
• या वेळी इको-मोड वापरल्यास चांगली ऊर्जा बचत होते.

फ्रीज कसा साफ करावा?

• फ्रीज रिकामा करा
• फ्रीजमधील सर्व खाद्यपदार्थ बाहेर काढा.
• खराब झालेल्या वस्तू वेगळ्या करा आणि फेकून द्या.
• थोड्या वेळासाठी बर्फाचे साहित्य मांस, आईस्क्रीम् कूलर बॅगमध्ये ठेवा.