खासदार ओमराजे निंबाळकर गेल्या काही दिवसांपासून सतत चर्चेत आहेत. पवनराजे निंबाळकर हत्याकांडातील निकाल आज लागणार आहे. काही वेळातच हा निकाल पुढे येईल. यादरम्यान मोठ्या घडामोडी घडताना दिसत आहेत.
ओमराजे निंबाळकर यांचे वडील पवनराजे निंबाळकर यांच्या हत्याकांडातील निकाल आज कोर्ट देत आहे. या निकालाकडे राज्याच्या नजरा आहेत. तब्बल 20 वर्षानंतर हा निकाल लागत आहे. ओमराजे निंबाळकर आणि त्यांचे कुटुंबिय कोर्टात दाखल झाले. यासोबतच पद्मसिंह पाटील हे देखील कोर्टात पोहोचले. यावेळी थेट रूग्णवाहिकेने ते कोर्टात दाखल झाले. त्यांच्यासोबत डॉक्टरांची एक मोठी टीमही कोर्टात पोहोचली. सर्व 9 आरोपींनी कोर्टाने दाखल होण्याचे आदेश दिले. सर्व आरोपी जामिनावर बाहेर आहेत. 3 जून 2006 रोजी मुंबईहून धाराशिवकडे निघाले असताना पवनराजे यांची हत्या करण्यात आली. आता या प्रकरणातील निकाल कोर्ट आज देणार आहे. ओमराजे निंबाळकर यांनी स्पष्ट शब्दात सांगितले की, आजचा दिवस माझ्यासाठी खूप मोठा आहे. 9 आरोपींपैकी 7 आरोपी कोर्टात आदेशानंतर हजर झाले. पवनराजे आणि त्यांच्या चालकांची गोळ्या झाडून हत्या करण्यात आली होती.
बिहार पोलिसांच्या ताब्यात असलेला आरोपी पिंटू सिंह यालाही कोर्टात हजर करण्यात आले. अगदी थोड्याचवेळा कोर्टाकडून या प्रकरणात निकाल दिला जाईल. कोर्टात पोहोचल्यानंतर खासदार ओमराजे निंबाळकर यांनी मोठी प्रतिक्रिया दिली. ओमराजे निंबाळकर यांनी म्हटले की, या 20 वर्षात खूप मोठ्या यातना भोगल्या आहेत. संघर्ष केला. दोन्ही कुटुंबाने यातना भोगल्या आहेत.
जी न्यायालयीन प्रक्रिया होते, त्यानंतर न्यायालयाने आज निकालासाठी तारीख ठरवली. न्याय देवतेकडून न्यायाची अपेक्षा आहे. पद्मसिंह पाटलांना साडेतीन महिन्यात जामीन मिळाला होता. या प्रकरणातील सर्व आरोपी जामिनावर सध्या बाहेर आहेत. अखेर तब्बल 20 वर्षाच्या मोठ्या प्रतिक्षेनंतर न्यायालय या प्रकरणात निकाल देत आहे. ओमराजे निंबाळकर आणि त्यांच्या कुटुंबाला या निकालाकडून मोठ्या अपेक्षा आहेत.
यादरम्यानच ओमराजे निंबाळकर यांनी शिवसेना ठाकरे गटाची साथ सोडून एकनाथ शिंदे यांचा हात पकडला. बाकी बंडखोरी केलेले 5 खासदार सुरक्षितस्थळी आहेत. याला ओमराजे निंबाळकर अपवाद आहेत. त्यांच्यासाठी आणि त्यांच्या कुटुंबासाठी हा दिवस महत्वाचा आहे. न्याय मिळावा, असे ते वारंवार बोलताना दिसत आहेत. कालच त्यांनी पक्षांतराच्या मुद्द्यात भावना जाहीर केल्या होत्या.
