रडले, नाचले, मैदानात झेंडा रोवला…वर्ल्डकप जिंकल्यानंतर टीम इंडियाच्या सेलिब्रेशनाचे 10 फोटो; संपूर्ण भारत भावूक

ICC World Cup 2025 Indian Womens Team Celebration Photo: नवी मुंबईतील डी.वाय. पाटील स्टेडियमवर झालेल्या महिला विश्वचषक 2025 फायनलमध्ये (Womens World Cup Final 2025) भारताने दक्षिण आफ्रिकेचा 52 धावांनी पराभव (Ind W vs SA W) करून पहिला विश्वविजेता बनला.

विजेतेपद जिंकल्यानंतर, भारतीय महिला संघाची कर्णधार हरमनप्रीत कौर (Harmanpreet Kaur), इतर खेळाडूंप्रमाणे, स्वतःला आवरू शकली नाही.

विजयानंतर भावनिक झालेल्या हरमनप्रीतने स्मृती मानधनाला मिठी मारली. नंतर, तिने भांगडा नृत्य सादर केले.

आयसीसी विश्वचषक जिंकल्यानंतर भारताच्या महिला क्रिकेट संघाने मैदानात जोरदार सेलिब्रेशन केले.

सर्व खेळाडूंसह संघाचे सर्व प्रशिक्षक, सपोर्ट स्टाफ यांनी मैदानात येत एकमेकांना मिठी मारल्या.

दरम्यान, आयसीसीचे अध्यक्ष जय शाह (Jay Shah) यांच्याकडून भारतीय महिला संघाची कर्णधार हरमनप्रीत कौरला विश्वचषकाची ट्रॉफी देण्यात आली.

जय शाह यांच्याकडून ट्रॉफी मिळाल्यानंतर हरमनप्रीत कौर नव्या स्टाईलनं अॅक्शन करत ट्रॉफी घेऊन इतर भारतीय खेळाडूंकडे गेली आणि ट्रॉफी उंचावली.

दरम्यान, महिला विश्वचषक 1973 मध्ये सुरू झाला होता. परंतु भारतीय संघाला कधीही विश्वविजेतेपद मिळवता आले नव्हते.

पूर्वी, फक्त ऑस्ट्रेलिया, इंग्लंड आणि न्यूझीलंडनेच महिला एकदिवसीय विश्वचषक जिंकला होता.

महिला एकदिवसीय क्रिकेटला शेवटचा नवीन विजेता 2000 मध्ये मिळाला होता, जेव्हा न्यूझीलंडने जेतेपद पटकावले. त्यापूर्वी आणि तेव्हापासून, ऑस्ट्रेलिया आणि इंग्लंड विजेते राहिले आहेत.

अखेर हरमनप्रीत कौरच्या नेतृत्वाखाली टीम इंडियाने इतिहास रचला आहे. टीम इंडियाने यापूर्वी 2005 आणि 2017 मध्ये अंतिम फेरीत प्रवेश केला होता.

भारतीय महिला क्रिकेट संघाची माजी कर्णधार मिताली राज देखील विश्वचषक जिंकल्यानंतर सेलिब्रेशनात सहभागी झाली. यावेळी खेळाडूंनी मिताली राजच्या हातात विश्वचषकाची ट्रॉफी दिली.

विश्वचषक जिंकल्यानंतर भारतीय महिला क्रिकेट संघाचे मुख्य प्रशिक्षक अमोल मुझुमदार यांनी मैदानातील खेळपट्टीवर भारतीय तिंरगा रोवला.