Sangola Breaking News; महत्त्वाच्या ब्रेकिंग न्यूज मराठीमध्ये, सांगोला तालुक्यातील घडामोडी पाहा एका क्लिकवर, ताज्या बातम्या, राजकीय बातम्यांचे अपडे्स, सामाजिक, आर्थिक, आरोग्य, शैक्षणिक आणि क्रीडा तसेच इतर अपडेट्स वाचा एक क्लिकवर.
सांगोला : दारूच्या नशेत वाहन चालवणार्या कारचालकावर जिल्हा वाहतूक पोलिसांची कारवाई
सांगोला (प्रतिनिधी):- जिल्हा वाहतूक शाखा सोलापूर ग्रामीणच्या पथकाने अपघाताचे प्रमाण कमी करण्याच्या उद्देशाने मिरज-सोलापूर रस्त्यावर पेट्रोलिंगदरम्यान मद्यधुंद अवस्थेत वाहन चालवणार्या कारचालकावर कारवाई केली आहे.
जिल्हा वाहतूक शाखेचे पोलीस कर्मचारी दिपक गाढवे (पोकाँ/2214), पोसई रणदिवे, पोहेकॉ. मुदगूल, पोकाँ दुधाळ आणि सांगोला पोलीस ठाण्याचे पोकाँ कांबळे व देसाई यांच्या पथकाने जयनिला हॉटेलजवळ कारवाई केली. मिरजकडून सोलापूरकडे जाणारी महिंद्रा ही चारचाकी वेगाने व वळणावळणाने येताना दिसल्याने गाडी थांबवून चालकाची चौकशी केली.
वाहनचालकाने आपले नाव अतुल शिंदे (वय 29, रा. इचलकरंजी, ता. हातकणगले, जि. कोल्हापूर) असे सांगितले. त्याच्या तोंडाला दारूचा उग्र वास येत असल्याने ब्रेथ अॅनालायझरद्वारे तपासणी केली असता त्याच्या श्वासातील अल्कोहोलचे प्रमाण आढळून आले.
याप्रकरणी पोलीस कर्मचारी दिपक गाढवे यांनी दिलेल्या फिर्यादीनुसार आरोपी अतुल शिंदे याच्याविरुद्ध मोटार वाहन कायदा कलम 185 नुसार कायदेशीर कारवाई करण्यात आली आहे.
सांगोला पंचायत समितीमधील ग्रामसेवकांच्या प्रशासकीय बदल्या
सांगोला (प्रतिनिधी):- सांगोला तालुक्यात 10 वर्षांपेक्षा अधिक काळ सेवा झालेले पंचायत समितीमधील ग्रामसेवक, शहाजी इंगोले यांची आंधळगांव येथे अनिल इंगवले यांची कचरेवाडी येथे, सदाशिव मागाडे यांची लक्ष्मी दहिवडी येथे, सौ.योगिता शिंदे यांची धरनिकी(ता.मंगळवेढा) येथे तर नूतन शिंदे यांची अक्कलकोट येथे जिल्हास्तरावरून बदल्या झाल्या आहेत.
माळशिरस तालुक्यातून पाच ग्रामसेवक, मंगळवेढा तालुक्यातून दोन ग्रामसेवक असे एकूण 7 नवीन ग्रामसेवक सांगोला तालुक्यात बदलून आले आहेत. सांगोला तालुका पंचायत समितीचे गटविकास अधिकारी उमेशचंद्र कुलकर्णी यांनी तालुकास्तरावर प्रशासकीय व विनंती अशा एकूण 7 ग्रामसेवकांचया बदल्या 31 मे रोजी केलेल्या आहेत. त्यामध्ये विजय कांबळे यांची तिप्पहळ्ळी येथे मेघा हिप्परकर यांची वझरे येथे, सुरेखा लिगाडे यांची देवळे येथे, प्रदीप लोहार येथे पाचेगांव बु॥ येथे प्रशासकीय बदली झाली आहे. विनंती बदलीमध्ये मारूती वाघ यांची मानेगांव, खानसाहेब मुलाणी यांची कडलास, किसन कदम यांची सोनंद येथे बदली करण्यात आली आहे. सांगोला तालुक्यात एकूण 76 ग्रामपंचायत असून ग्रामसेवकांची 73 पदे मंजूर आहेत. त्यापैकी सध्या 64 ग्रामसेवक कार्यरत असून 9 ग्रामसेवकांच्या जागा रिक्त असल्याचे गटविकास अधिकारी उमेशचंद्र कुलकर्णी यांनी सांगितले.
चौगुले सायन्स क्लासेस मध्ये इयत्ता अकरावी चे वर्ग सुरू
सांगोला (प्रतिनिधी):- सांगोला शहरातील चौगुले सायन्स क्लासेस मध्ये दि.1 जून पासून इयत्ता अकरावी चे वर्ग सुरू करण्यात आले. याप्रसंगी प्रमुख पाहुणे म्हणून श्री. सी.ए. तुषार ढेरे, डॉ.विवेकानंद विभुते, उद्योगपती दत्तात्रय जांभळे उपस्थित होते.
याप्रसंगी सी.ए.तुषार ढेरे यांनी विद्यार्थ्यांना मार्गदर्शन केले, ध्येय निश्चित केल्यानंतर त्यासाठी सातत्य महत्वाचे असते तसेच वेळेत ध्येय निश्चित केल्यानंतर काय फायदा होतो हे विद्यार्थ्यांना समजावून सांगितले त्याचबरोबर इयत्ता बारावी नंतर असणार्या करियर बद्दल मार्गदर्शन केले.
डॉ. विवेकानंद विभुते म्हणाले की, शालेय जीवनात कोणत्या सवयी अंगीकारल्या पाहिजेत त्याच बरोबर ध्येय निवडल्यानंतर विद्यार्थ्यांनी भरपूर प्रयत्न करावेत, मोबाईल चा अतिवापर करू नये, शिस्त व वेळेचा सदुपयोग यावर बहुमोल मार्गदर्शन केले.
प्रास्ताविक प्रा.संजय चौगुले सर यांनी केले, सूत्रसंचालन प्रा.मल्हारी बनसोडे सर यांनी केले तर आभार कृष्णा घुंबरे सर यांनी मानले. या प्रसंगी प्रा.विकास घाडगे , प्रा.महेश दौंड, प्रा.कुलदीप जाधव यांच्यासह सर्व विद्यार्थी व पालक उपस्थित होते.
शासन नवनवीन आदेशाच्या माध्यमातून शिक्षण क्षेत्र मोडीत काढण्याचा डाव हाकत आहे-आ.आसगावकर
सांगोला तालुक्यातील सेवानिवृत्त मुख्याध्यापक, शिक्षक, शिक्षकेतर कर्मचारी यांचा सत्कार
सांगोला (प्रतिनिधी):-सेवानिवृत्तीनंतर शिक्षकांनी आपला वेळ कुटुंबासाठी, समाजासाठी द्यावा. आज शासन नवनवीन आदेशाच्या माध्यमातून शिक्षण क्षेत्र मोडीत काढण्याचा डाव हाकत आहे. यासाठी आपली सांघिक मूठ घट्ट करून एकत्र येण्याची गरज आहे. शासन नवीन संच मान्यतेच्या माध्यमातून गोरगरिबांच्या शाळा बंद पाडत आहे. यासाठी शालेय शिक्षणमंत्री व सचिवांकडे पाठपुरावा सुरु असल्याचे आमदार जयंत आसगावकर यांनी सांगितले.
आमदार जयंत आसगावकर यांच्या हस्ते सांगोला तालुक्यातील माजी प्राचार्य/मुख्याध्यापक, शिक्षक व शिक्षकेतर कर्मचारी यांचा सत्कार सोहळा सांगोला अर्बन बँक येथे शनिवार दि.31 मे रोजी आयोजीत करण्यात आला होता. यावेळी आमदार जयंत आसगावकर बोलत होते.
मुख्याध्यापक, शिक्षक, शिक्षकेतर कर्मचारी यांना सेवानिवृत्तीच्या शुभेच्छा देऊन आमदार जयंत आसगावकर म्हणाले, टप्पावाढीचा आदेश निघाला, पण त्याची अंमलबजावणी झालेली नाही. यासाठी येणार्या पावसाळी अधिवेशनात आवाज उठवला जाईल. जुनी पेन्शनसाठी माझा सातत्याने पाठपुरावा सुरू आहे. अकरावी प्रवेश प्रक्रियेत येणार्या अडचणी शासनाला कळविल्या असून त्यातून लवकरच मार्ग निघणार असल्याचे त्यांनी सांगितले.
यावेळी प्रा.प्रबुध्दचंद्र झपके, विठ्ठलराव शिंदे, माजी प्राचार्य जयप्रकाश बिले, शिक्षक नेते अण्णासाहेब गायकवाड, प्राचार्य विजयकुमार वाघमोडे, कृष्णदेव बेहेरे, शामराव कोळवले, रामचंद्र जानकर, रेवन आवताडे, जितेश कोळी, सिद्धेश्वर इंगवले, भारत इंगवले यांच्यासह मुख्याध्यापक, शिक्षक व शिक्षकेतर कर्मचारी उपस्थित होते.
श्री.बंडोपंत येडगे यांचे शैक्षणिक कार्य कौतुकास्पद-आ.बाबासाहेब देशमुख
सांगोला (प्रतिनिधी):- श्री.बंडोपंत येडगे सर यांनी स्व.आबासाहेब व स्व.वसंतराव अण्णा यांच्यावर श्रद्धा ठेवून श्रीधर कन्या प्रशाला व ज्युनिअर कॉलेज नाझरे येथे 32 वर्षे शिक्षणाचे पुण्याईचे काम केले. त्यांनी स्वतः सांगोला विद्यामंदिर सारख्या चांगल्या संस्थेत शिक्षण घेतले व त्यामुळे त्यांना अनेक पुरस्कार मिळाले असून श्री.बंडोपंत येडगे सरांचे शैक्षणिक कार्य कौतुकास्पद असल्याचे आमदार डॉ. बाबासाहेब देशमुख यांनी सांगितले.
श्री.बंडोपंत येडगे सर यांचा सेवापुर्ती सत्कार समारंभ राजमाता अहिल्यादेवी होळकर सभागृह सांगोला येथे आयोजीत करण्यात आला होता. याप्रसंगी मारुती आबा बनकर, बाळासाहेब एरंडे, इंजि.रमेश जाधव, मायाप्पा यमगर, अजित गावडे, सुरेश माळी, शेकाप चिटणीस विठ्ठलराव शिंदे, सौ. वंदना बाबर, वसंतराव दिघे, पोपटराव गडदे, घाटोळे सर, रामचंद्र जानकर, सिद्धेश्वर झाडबुके, निलकंठ लिंगे, उल्हास धायगुडे, राजू बंडगर, चंद्रकांत बंडगर, दादा माने, सुभाष कोकरे, सचिन कोकरे, बाळासो वाघमोडे, मोहन मस्के, किशोर म्हमाणे, रविराज शेटे, दशरथ बाबर, शिक्षक वर्ग, विद्यार्थी, पालक, येडगे परिवार, स्नेही, नातेवाईक मोठ्या संख्येने उपस्थित होते. याप्रसंगी आ.डॉ.बाबासाहेब देशमुख बोलत होते.
यावेळी बोलताना प्रा.प्रबुद्धचंद्र झपके सर म्हणाले, श्री.बंडोपंत येडगे यांनी 32 वर्षे झोकून देऊन शिक्षणाचे काम केले. आमच्या कुटुंबियाचे व येडगे कुटुंबियांचे जिव्हाळ्याचे नाते आहे.श्री. बंडोपंत येडगे सरांच्या वाटचालीत त्यांची पत्नी मीनाक्षीताईचा सिंहाचा वाटा आहे असल्याचे सांगत पुढील वाटचालीस शुभेच्छा दिल्या.
कार्यक्रमाप्रसंगी यावेळी डॉ. निकिता ताई देशमुख, मा. उपसभापती सुनील चौगुले, सूतगिरणीच्या चेअरमन सौ कल्पनाताई शिंगाडे, प्रा.माणिकराव पाटील यांनी आपले मनोगत व्यक्त करुन येडगे सरांविषयी मनोगत व्यक्त करुन सेवानिवृत्तीनंतरच्या पुढील आयुष्यासाठी शुभेच्छा दिल्या.
एक बाप आम्हास गुरु म्हणून लाभले हे आमचे भाग्य आहे व बंडोपंत शिक्षक व्हावेत असे त्यांचे आईचे मत होते व सरांच्या जडणघडणीत मीनाक्षी ताईचा मोलाचा वाटा आहे असे प्रास्ताविकात डॉक्टर चंद्रकांत येडगे यांनी सांगितले. सूत्रसंचालन व आभार शिक्षक आबासाहेब शेजाळ यांनी मानले.
कोल्हापूर-कलबुर्गी-कोल्हापूर रेल्वे आषाढी यात्रेपूर्वी सुरू करा : अशोक कामटे संघटना
सांगोला(प्रतिनिधी):-कोल्हापूर येथून सकाळी सात वाजता कोल्हापूर-कलबुर्गी -कोल्हापूर रेल्वे सुरू करावी, या मागणीचे पत्र मध्य रेल्वे विभागाचे महाप्रबंधक धर्मवीर मीना साहेब यांना शहीद अशोक कामटे बहुउद्देशीय सामाजिक संघटनेच्यावतीने देण्यात आले.
11039/11040 महाराष्ट्र एक्सप्रेस कोल्हापूर -गोंदिया या रेल्वेस जुने रेक बदलून नवीन एल एच बी अत्याधुनिक रेक देण्यात आले आहेत.त्यामुळे या महाराष्ट्र एक्सप्रेसचे जुने रेक शिल्लक असल्याने कोल्हापुरातून सकाळी सत्रात सर्व थांबे रेल्वे सुरू करण्यास संधी आहे.तसेच महाराष्ट्रातील लाखो वारकर्यांना आषाढी एकादशीला पंढरपूरला जाण्याकरिता या रेल्वेच्या माध्यमातून मोठी सोय होणार आहे . कोकण, कोल्हापूर ,बेळगाव ,सांगली, मिरज येथील प्रवाशांची सोय होणार आहे. यापूर्वी यासंदर्भात अनेक वेळा रेल्वे विभागाला या मागणीचे निवेदन पत्र दिले आहे .सदरील रेल्वे आषाढी एकादशी पूर्वी , व यात्रा स्पेशल बेळगाव येथून सुरू करावी अशी मागणी सर्व स्तरातून होत आहे. या निवेदनाच्या प्रती खासदार धैर्यशील मोहिते पाटील, विभागीय रेल्वे व्यवस्थापक पुणे, सोलापूर यांनाही देण्यात आल्या आहेत. यावेळी अशोक कामटे संघटनेचे पदाधिकारी व सदस्य उपस्थित होते.
महाराष्ट्र एक्सप्रेसचे अप-डाउन रेक शिल्लक असल्याने कोल्हापूर -कलबुर्गी-कोल्हापूर रेल्वे सुरू करण्यास रेल्वे प्रशासनाला कोणतीच अडचण नाही, सध्या पुणे रेल्वे विभागाकडे या गाडीचे 1 जून पासून रेक उपलब्ध असल्याने तूर्तास ही गाडी सुरु होण्यास कोणतीही अडचण नाही, त्यामुळे कोकणातील भाविकांना पंढरपूर, तुळजापूर ,अक्कलकोट, गाणगापूर दर्शन करून या रेल्वेने परतीच्या प्रवासाकरता सुलभ सोय होणार आहे तरी मध्य रेल्वेने ही रेल्वे सुरु करावी अशी मागणी होत आहे. त्याकरिता कामटे संघटनेचा पाठपुरावा सुरू आहे.
निलकंठ शिंदे सर -अध्यक्ष: -कामटे सामाजिक संघटना.
श्री श्री 108 लिंगैक्य गुरुमुर्ती रुद्रपशुपती कोळेकर महास्वामीजी यांच्या प्रथम स्मृतिदिन सोहळ्यानिमित्त आज सांगोला येथे कार्यक्रमाचे आयोजन
सांगोला (प्रतिनिधी):- श्री श्री 108 लिंगैक्य गुरुमुर्ती रुद्रपशुपती कोळेकर महास्वामींजी 30 वे पिठाधिपती यांचा प्रथम स्मृतिदिन सोहळा आज सोमवार दि.2 जुन रोजी संपन्न होत आहे त्यानिमित श्री गुरुसिद्दमल्लया मठ संस्थान, सांगोला येथे आज सायंकाळी ठिक 6 वा. श्री श्री 108 कोळेकर महास्वामींजी यांच्या प्रतिमेची प्रतिष्ठापना करण्यात येणार आहे. व नंतर उपस्थित शिवभक्तांच्या हस्ते महास्वामींच्या प्रतिमेवर पुष्पवृष्टी करण्यात येणार आहे. तरी सांगोला शहरामधील शिवभक्तांनी कार्यक्रमास उपस्थीत राहून या कार्यक्रमाचा लाभ घ्यावा, असे आवाहन संयोजकांनी केले आहे.
कोळा येथे एस टी बसचा वाढदिवस उत्साहात साजरा
कोळा (वार्ताहर):- सांगोला तालुक्यातील कोळा येथे कोळा ते विटा एस टी बसचा 77 वा वाढदिवस पत्रकार जगदीश कुलकर्णी, जिल्हा मध्यवर्ती बँकेचे माजी शाखा अधिकारी नौशाद भाई तांबोळी यांच्या संकल्पनेतून वाढदिवस साजरा करण्यात आला.
कोळा ते विटा एसटी बसचे चालक, 10 वर्ष सेवा यशस्वी केलेले महादेव खोडके, वाहक नवनाथ शिंदे यांचा शाल श्रीफळ फेटा देऊन सन्मानपूर्वक सत्कार करून पेढे भरवून वाढदिवस साजरा करण्यात आला. एसटी बसने आज 77 वर्ष पूर्ण केले आहेत. ग्रामस्थांनी एस टी बसला हार, फुगे बांधून रंगरंगोटी करून एसटीची पूजन करून मार्गस्थ करण्यात आली.
यावेळी डॉ.सादिक पटेल, समाधान बोबडे, संतोष गोरड, प्रकाश माळी, डॉ.प्रभाकर खंडागळे, अशोक आलदर, अशोक साखरे, अनिल येडगे, गणेश कुंभार, रोहित नडोने यांच्यासह प्रवासी, ग्रामस्थ उपस्थित होते.
