नुकतंच ऑपरेशन टायगर झालं आहे, शिवसेना ठाकरे गटाला मोठा धक्का बसला आहे, तब्बल 6 खासदारांनी शिवसेना ठाकरे गटाची साथ सोडली आहे. त्यानंतर आता मोठी बातमी समोर येत आहे, ती म्हणजे उद्धव ठाकरे आणि देवेंद्र फडणवीस यांचा एकाच विमानातून प्रवास पहायला मिळत आहे.
राजकीय वर्तुळातून मोठी बातमी समोर येत आहे. शिवसेना ठाकरे गटाला नुकताच मोठा धक्का बसला आहे. पक्षातील 9 खासदारांपैकी तब्बल 6 खासदारांनी उद्धव ठाकरे यांची साथ सोडली आहे. या सर्व खासदारांनी मुंबईमध्ये उपमुख्यमंत्री एकनाथ शिंदे यांच्या नेतृत्वात शिवसेना शिंदे गटात प्रवेश केला आहे. दरम्यान यावरून राज्यात राजकारण चांगलंच तापलं आहे. शिवसेना ठाकरे गट आणि उद्धव ठाकरे यांच्याकडून शिवसेना शिंदे गटावर जोरदार हल्लाबोल केला जात आहे, मात्र त्याचवेळी भाजपावर ठाकरे गटाकडून टीका करणं टाळलं जात असल्याचं देखील दिसून येत आहे. याचदरम्यान आता एक मोठी बातमी समोर आली आहे, ती म्हणजे शिवसेना ठाकरे गटाचे प्रमुख उद्धव ठाकरे आणि मुख्यमंत्री देवेंद्र फडणवीस यांनी एकाच विमानाने प्रवास केल्याचं पहायला मिळत आहे. मुंबईहून नागपूरला रवाना होणाऱ्या विमानात उद्धव ठाकरे आणि देवेंद्र फडणवीस यांनी एकाच विमानातून प्रवास केला आहे. यावेळी मुख्यमंत्री देवेंद्र फडणवीस यांनी उद्धव ठाकरे यांच्याशी हस्तादोंलन देखील केलं आहे.
इंडिगोच्या विमानातून दोन्ही नेत्यांनी एकत्र प्रवास केला आहे. यावेळी भेट झाल्यानंतर मुख्यमंत्री देवेंद्र फडणवीस यांनी उद्धव ठाकरेंशी हस्तादोंलन केलं, तसेच दोन्ही नेत्यांनी एकमेकांची विचारपूस देखील केली आहे. यावेळी उद्धव ठाकरेंसोबत आदित्य ठाकरे, संजय राऊत आणि शिवसेना ठाकरे गटाचे इतर नेते देखील उपस्थित होते. दरम्यान आम्ही तिघं भेटलो हीच मोठी बातमी आहे, अशी प्रतिक्रिया देखील यावेळी मुख्यमंत्री फडणवीस यांनी या विमान प्रवासावर दिली आहे.
मुंबईवरून नागपूरला जाताना मुख्यमंत्री देवेंद्र फडणवीस आणि उद्धव ठाकरे यांनी एकत्र प्रवास केला आहे. इंडिगोच्या विमानानं त्यांनी एकत्र प्रवास केला. दरम्यान यावेळी उद्धव ठाकरे आणि देवेंद्र फडणवीस यांनी एकमेकांची विचारपूसही केली. एकीकडे नुकतंच ऑपरेशन टायग झालं आहे, शिवसेना ठाकरे गटाचे खासदार फुटले आहेत, तर दुसरीकडे आज उद्धव ठाकरे आणि मुख्यमंत्री देवेंद्र फडणवीस यांनी एकत्र प्रवास केल्यानं आता चर्चेला उधाण आलं आहे.
