Todays Gold Rate : लग्नसराईत टेन्शन वाढवणारी बातमी, सोन्याचे दर वाढले की चांदीचे ? आजचे 10 ग्रॅमचे भाव..

सोनं-चांदीचा पाठशिवणीचा खेळ अद्याप सुरूच असून दरातील चढउतारही सातत्याने कायम आहेत. आज, मंगळवार 28 एप्रिल रोजी देशात सोन्याच्या दरात पुन्हा तेजी आली आहे. 28 एप्रिलच्या सकाळी, राजधानी दिल्लीत 24-कॅरेट सोन्याचा भाव प्रति 10 ग्रॅमसाठी 1, 53,850 रुपयांपर्यंत वाढला. मुंबईत हा भाव 150 रुपयांनी कमी असून प्रति 10 ग्रॅम 1,53, 700 रुपयांवर पोहोचला. आदल्या दिवशी, दिल्लीच्या सराफा बाजारात सोन्याचा भाव 200 रुपयांनी वाढून प्रति 10 ग्रॅम 1 लाख 56 हजार 100 रुपये इतका होता. तर आंतरराष्ट्रीय बाजारात स्पॉट सोन्याचा भाव प्रति औंस 4,693 .04 डॉलर्स इतका आहे.

देशातील काही महत्वाच्या शहरांतील भाव

राजधानी दिल्लीत सोन्याचे दर 24 कॅरेटच्या 10 ग्रॅम सोन्याचे 1,53,850 आणि 22 कॅरेटचे 10 ग्रॅमचे दर 1,41,040 रुपये आहेत. सध्या मुंबई आणि कोलकातामध्ये 22 कॅरेट सोन्याचा भाव प्रति 10 ग्रॅम 1,40,890 रुपये, तर 24 कॅरेट सोन्याचा भाव प्रति 10 ग्रॅम 1,53,700 रुपये आहे.

चेन्नईमध्ये 24 कॅरेट सोन्याचा भाव प्रति 10 ग्रॅम 1,55,250 रुपये तर 22 कॅरेट सोन्याचा भाव प्रति 10 ग्रॅम 1,42,310 रुपये इतका आहे. आणि पुणे व बंगळुरूमध्ये 24 कॅरेटचं 10 ग्रॅम सोनं हे 1,53,700 आणि 22 कॅरेटच्या 10 ग्रॅम सोन्याचा भाव 1,40,890 रुपये इतका आहे.

चांदीची किंमत

चांदी या आणखी एका मौल्यवान धातूच्या किमतीत घसरण सुरूच आहे. 28 एप्रिलच्या सकाळी, किंमत प्रति किलोग्राम 2,59,900 रुपयांपर्यंत घसरली. तथापि, एक दिवस आधी, दिल्ली सराफा बाजारात चांदीच्या किमती 3500 ने वाढून प्रति किलोग्राम 2,50,000 रुपयांवर पोहोचल्या होत्या. आंतरराष्ट्रीय बाजारात, स्पॉट चांदीचा भाव प्रति औंस 75.91 डॉलर्स इतका आहे. देशांतर्गत सोने आणि चांदीच्या किमतींवर देशांतर्गत आणि जागतिक दोन्ही घटकांचा प्रभाव असतो. जावेनारी मध्ये चांदीचे भाव 4 लाखांच्या आसपास पोहोचले होते.