Thalapathi Vijay Floor Test : तामिळनाडूच्या राजकारणात मोठ्या घडामोडी घडताना दिसत आहेत. त्यामध्येच बहुमत सिद्ध करण्यापूर्वीट थलपती विजय यांना मोठा धक्का बसल्याचे बघायला मिळतंय. मोठा निर्णय विरोधी पक्षाने घेतला.
अभिनेते आणि तामिळनाडूचे मुख्यमंत्री थलपती विजय तूफान प्रसिद्धीत आहेत. तामिळनाडू विधानसभा निवडणुकीपूर्वी पक्षाची स्थापना करून धमाकेदार कामगिरी निवडणुकीत थलपती विजय यांनी केली. विशेष म्हणजे थेट तामिळनाडू राज्याचे नवे मुख्यमंत्री म्हणून त्यांनी शपथही घेतली. कोणीही विचार केला नाही असा मोठा विजय या निवडणुकीत त्यांच्या पक्षाचा झाला. थलपती विजय यांच्या नव्या सरकारसाठी आजचा दिवस अत्यंत महत्वाचा आहे. आज त्यांच्या सरकारला बहुमत सिद्ध करावे लागणार आहे. थलपती विजय विधानसभेत बहुमत सिद्ध करतील. विजय यांच्या टीव्हीके पक्षाने राज्य विधानसभेत 107 जागा जिंकल्या. ज्यानंतर त्यांना काँग्रेस, डावे पक्षांची साथ मिळाली. यांच्यामुळे थलपती विजय यांना सरकार स्थापन करण्याची संधी मिळाली. थलपती विजय यांनी तामिळनाडूचे राज्यपाल राजेंद्र अर्लेकर यांच्याकडे 120 हून अधिक आमदारांची यादी सादर केली.
तामिळनाडूतील दुसरा सर्वात मोठा पक्ष असलेला एआयएडीएमकेमध्ये मोठी फूट पडली. एका गटाने थलपती विजय यांना पाठिंबा देण्याचा निर्णय घेतला. ज्यामुळे थलपती विजय अगदी सहजपणे बहुमताचा आकडा पार करतील, असा अंदाज आहे. मात्र, त्यापूर्वीच मोठा धक्का बसल्याचे बघायला मिळत आहे. तामिळनाडू विधानसभेत टीव्हीके सरकारच्या विश्वासदर्शक ठरावासंदर्भात एक मोठी राजकीय घडामोड घडली आहे.
विरोधी पक्ष डीएमकेने या मतदान प्रक्रियेवरच बहिष्कार टाकण्याचा मोठा निर्णय घेतला. हेच नाही तर त्यांनी सभागृहातून सभात्याग करण्याचा निर्णय घेतला. डीएमके नेते उदयनिधी स्टॅलिन यांनी सभागृहात सांगितले की, आमचा पक्ष श्वासदर्शक ठरावात सहभागी होणार नाही, या प्रक्रियेत आमचा पक्ष तटस्थ भूमिकेत राहिल. यासोबतच त्यांनी एका मोठा आरोप देखील केला.
उदयनिधी स्टॅलिन यांनी म्हटले की, ज्यांनी सत्ताधारी पक्षाला मतदान केले, त्यांच्या लक्षात आले की, त्यांनी मोठी चूक केली. ज्यामुळे तटस्थ राहण्याची भूमिका घेतली. बहुमत सिद्ध करण्यापूर्वीच थलपती विजय यांना हा मोठा धक्का म्हणावा लागेल. उदयनिधी स्टॅलिन यांनी स्पष्ट केले की, या मतदान प्रक्रियेत त्यांचा पक्ष सहभागी नसेल आणि या प्रक्रियेदरम्यान त्यांचा पक्ष सभागृहात नसेलही. ज्यामुळे आता तामिळनाडूच्या राजकारणातील घडामोडींना प्रचंड वेग आला.
