भयानक! टायर फुटला अन ट्रॅव्हल्स आणि ट्रकमध्ये भीषण अपघात, केबिनचा पूर्ण चुराडा, स्तब्ध करून टाकणारे फोटो

पुण्याहून कारंजा जाणारी सिंध कंपनीची ट्रॅव्हल्स क्रमांक MH 37W 7772 तर नागपुर कडून संभाजी नगर कडे जाणारा ट्रॅक क्रमांक CG 04 MH 0391 यांचा पेडगाव गावा जवळ भीषण अपघात झाला या अपघातामध्ये ट्रॅव्हल्स मधील 6 प्रवासी गंभीर जखमी झाले तर 15 प्रवासी किरकोळ जखमी झालेत.

नागपूरकडून संभाजीनगर कडे जाणाऱ्या भरधाव ट्रकचा टायर फुटला. त्यामुळे ट्रकवरील चालकाचे नियंत्रण सुटून ट्रक समोरून येणाऱ्या सिंध कंपनीच्या ट्रॅव्हल्सवर जाऊन धडकून भीषण अपघात झाला.

हा अपघात इतका भीषण होता की, ट्रॅव्हल्सच्या केबिनचा अक्षरशः चुराडा झाला तर ट्रक जाग्यावरच पलटी झाला.

या अपघातात ट्रॅव्हल्सचा चालक अशोक वानखडे केबिनमध्ये फसून मृत्यू झाला. अपघातात एका प्रवासाचा मृत्यू झाला असून अजून त्याची ओळख पटली नाही. तर जवळपास वीस हून अधिक प्रवासी जखमी झाले आहेत.

घटनेची माहिती मिळताच कारंजा, शेलूबाजार, मंगरूळपीर येथील सर्व 108 रुग्णवाहिकेसह जय गुरुदेव समृद्धी रुग्णवाहिका, शिवनेरी रुग्णवाहिका दादाजी रुग्णवाहिका, वेदांत रुग्णवाहिका, जय गजानन रुग्णवाहिका, जगद्गुरु नरेंद्राचार्य रुग्णवाहिका तात्काळ घटनास्थळी पोहचून जखमींना रुग्णालयात दाखल केले.

ट्रक महामार्गावर पलटी झाल्याने वाहतूक विस्कळीत होऊन महामार्गावर वाहनांच्या रांगा लागल्या होत्या. पोलिसांनी क्रेनच्या सहाय्याने दोन्ही वाहने रस्त्याच्या बाजूला केली असून आता वाहतूक सुरळीत सुरू असल्याची माहिती समोर आली आहे.