Gold-Silver Rate Today 26 June 2026 Latest News Updates in Marathi : डॉलरमधील मजबूती आणि परदेशातील बाजारांत सोन्याच्या दरात झालेली घसरण यामुळे देशांतर्गत बाजारात मौल्यवान धातूंमधील गुंतवणूकदारांचा रस कमी झाला आहे. सोनं आणि चांदीची देशातील किंमत आता किती आहे ?
देशात सोन्याच्या दरांवर घसरणीचा दबाव असून किमती सातत्याने कमी होत आहेत. ग्राहकांसाठी ही दिलासादायक बाब आहे. 26 जूनच्या सकाळी बहुतांश शहरांमध्ये सोन्याचे दर खाली आले. राजधानी दिल्लीत 24-कॅरेट सोन्याचा दर प्रति 10 ग्रॅम 1,41,470 रुपयांवर आला, तर मुंबईत हा दर प्रति १० ग्रॅम 1,41,320 रुपये इतका आहे. त्याआधीच्या दिवशी, दिल्लीच्या सराफा बाजारात 99.9 % शुद्ध सोन्याचा दर 2800 रुपयांनी घसरून प्रति 10 ग्रॅम 1,45,300 रुपयांवर स्थिरावला होता.
डॉलरचे मूल्य वधारल्यामुळे आणि परदेशातील बाजारात सोन्याचे भाव कमी झाल्यामुळे देशांतर्गत बाजारात मौल्यवान धातूंमधील गुंतवणूकदारांचा रस कमी झाला आहे. आंतरराष्ट्रीय बाजारात सोन्याचा भाव 4000 डॉलर्सच्या पातळीच्या खाली आला असून, सध्या ‘स्पॉट गोल्ड’चा (तात्काळ खरेदी-विक्रीसाठीचे सोने) दर प्रति औंस 3,978.06 डॉलर्स इतका आहे. वाढत्या महागाईच्या भीतीमुळे अमेरिकेची मध्यवर्ती बँक (फेडरल रिझर्व्ह) व्याजदर वाढवू शकते, अशी शक्यता वर्तवली जात आहे; यामुळे अमेरिकन डॉलर आणखी मजबूत होऊ शकतो.
देशातील काही महत्वाच्या शहरातील दर
राजधानी दिल्लीत 24 कॅरेट 10 ग्रॅम सोन्याची किंमत 1,,41470 रुपये तर 22 कॅरेटचा दर 1,29,690 रुपये आहे. मुंबई आणि कोलकातामध्ये 22 कॅरेट सोनं 1,29,540 रुपयांना आणि 24 कॅरेटचं 10 ग्रॅम सोनं हे 1,41,320 रुपयांना मिळतंय.
चेनन्ईत सोन्याचे दर सर्वाधिक असून 24 कॅरेट सोनं हे 1,43,340 रुपयांना आणि 22 कॅरेटचं 10 ग्रॅम सोनं हे 1,31,390 रुपयांना आहे. पुणे आणि बंगळुरूत 24 कॅरेट सोन्याची किंमत ही 1,41,320 रुपये आणि 22 कॅरेटची किंमत 1,29,540 रुपये इतकी आहे.
| शहर | 22 कॅरेट सोन्याचा आजचा दर (₹) | 24 कॅरेट सोन्याचा आजचा दर (₹) |
| दिल्ली | 129690 | 141470 |
| मुंबई | 129540 | 141320 |
| अहमदाबाद | 129590 | 141370 |
| चेन्नई | 131390 | 143340 |
| कोलकाता | 129540 | 141320 |
| हैदराबाद | 129540 | 141320 |
| जयपुर | 129690 | 141470 |
| भोपाळ | 129590 | 141370 |
| लखनऊ | 129690 | 141470 |
| चंदीगड | 129690 | 141470 |
चांदीचे दर
सोन्याप्रमाणेच, आणखी एक मौल्यवान धातू असलेल्या चांदीच्या दरातही घसरण सुरूच आहे. 26 जूनच्या सकाळी चांदीचा दर प्रति किलो 2,34,900 इतका खाली आला. आंतरराष्ट्रीय बाजारात ‘स्पॉट सिल्व्हर’चा दर प्रति औंस 57.19 डॉलर्स इतका आहे.
