इराण आणि अमेरिका युद्धात होर्मुज खाडीत धक्कादायक घटना घडली आहे. इराण आणि अमेरिका युद्धात होर्मुज खाडी बंद आहे. मात्र, यादरम्यानच जगाची झोप उडवणारी घटना घडली. ज्याचा थेट संबंध रशियासोबत आहे.
जग संकटात आहे, एकही मालवाहू जहाज तिथून जाऊ शकत नाही. होर्मुज खाडीत जागोजागी बॉम्ब सुरूंग इराणने पेरून ठेवले आणि त्याच होर्मुज खाडीतून हे जहाज सुरक्षित निघाले. या 142 मीटर लांबीच्या सुपरयॉट जहाजची किमत 500 दशलक्ष डॉलर्स आहे. इतर जहाजांवर होर्मुज खाडीतून जात असताना गोळीबार होत आहे. पण या अलिशान जहाजावर गोळीबार झाला नाही किंवा रोखण्याचा प्रयत्नही झाला नाही.
मिळालेल्या माहितीनुसार, हे जहाज शुक्रवारी दुबईहून निघाले होते. शनिवारी जहाजाने होर्मुज खाडी ओलांडली. रविवारी सकाळी ओमानमधील मस्कत येथे पोहोचले. आता मोठा प्रश्न हाच निर्माण होत आहे की, एवढे जास्त कडक निर्बंध असताना या जहाजाने होर्मुज खाडी नक्की पार कशी केली. लेक्सी मोर्दाशोव्ह यांच्या पत्नीच्या नावे हे अलिशान जहाज आहे.
या प्रवासादरम्यान ते जहाजावर होते की, नाही याबाबत काही माहिती मिळू शकली नाही. होर्मुज खाडीत प्रचंड तणाव आहे. जहाजांवर मोठे हल्ले केले जात आहेत. होर्मुज खाडीजवळ अनेक जहाज उभी आहेत. मात्र, त्यांना ही खाडी पार करता येत नाही, अशातच या अलिशान जहाजाने होर्मुज खाडी नक्की कशी पार केली हा प्रश्न उपस्थित केला जात आहे
