Pakistan: पाकिस्तानमध्ये एक आत्मघातकी हल्ला झाला असून यावेळी एका शाळेच्या बसला लक्ष्य करण्यात आले आहे, ज्यामध्ये चार मुलांचा मृत्यू झाल्याचे वृत्त समोर आलं आहे.
Pakistan School Bus Terror Attack : दहशतवाद पोसणाऱ्या पाकिस्तानमध्ये पुन्हा एकदा एक मोठा दहशतवादी हल्ला झाला आहे. मात्र यावेळी दहशतवाद्यांनी थेट स्कूल बसला टार्गेट करत चिमुकल्या, निष्पाप मुलांना लक्ष्य केलं आहे. बलुचिस्तानमधील खुजदार येथे झालेल्या हल्ल्यात चार मुलांचा मृत्यू झाला आहे तर 38 जण जखमी झाले आहेत. अधिकृत माहितीनुसार, एका आत्मघातकी कार बॉम्बरने शाळेच्या बसला लक्ष्य केलं आणि क्षणात ती उद्ध्वस्त झाली.
पाकिस्तानच्या डॉन वृत्तपत्राने खुजदारचे उपायुक्त यासिर इक्बाल दश्ती यांच्या हवाल्याने सांगितले की, हा स्फोट खुजदार जिल्ह्यात झाला. झिरो पॉइंटजवळ असताना बसला लक्ष्य करण्यात आले. या स्फोटात चार मुले ठार झाली आणि जखमींचे मृतदेह जवळच्या रुग्णालयात नेण्यात आले असे दश्ती म्हणाले.
या घटनेनंतर गृहमंत्री मोहसीन नक्वी यांनी या स्फोटाचा तीव्र निषेध केला. “निष्पाप मुलांना लक्ष्य करणारे प्राणी कोणत्याही दयेस पात्र नाहीत” अशा शब्दांत त्यांनी या हल्ल्यानंतर निंदा केली. शत्रूने निष्पाप मुलांना लक्ष्य करून अतिशय क्रूर कृत्य केल्याचंही नक्वी पुढे म्हणाले.
ही बातमी अपडेट होत आहे.
