इराण आणि अमेरिका यांच्यातील तणाव वाढला आहे. होर्मुज खाडीत मोठ्या घडामोडी घडताना दिसत आहेत. स्थिती बिकड होत आहे. यादरम्यानच अमेरिकेने होर्मुजमध्ये केलेल्या नाकेबंदीमुळे इराण त्रस्त झाला.
इराण आणि अमेरिकेतील युद्ध होर्मुज खाडीत येऊन थांबले आहे. होर्मुज खाडी या युद्धाचा महत्वाचा विषय आहे. इराणकडून पहिल्या दणक्यात होर्मुज खाडी बंद करण्यात आली. होर्मुज खाडी बंद असल्याने अनेक देशांना नाकेनऊ आले. युद्धाला एक महिना पूर्ण होऊन जात आहे. पण तणाव काही कमी झाला नाही. उलट स्थिती गंभीर झाली. अमेरिकेने होर्मुज खाडीत नाकेबंदी केली. होर्मुज खाडीतून फार क्वचित जहाजे या युद्धादरम्यान जाताना दिसली. होर्मुज खाडी बंद असल्याने त्याचा थेट फटका बसला. जागतिक बाजारात तेलाचा किमती वाढताना दिसल्या. तेलाच्या किमती नियंत्रणात आणण्याकरिता अमेरिकेने रशिया आणि इराण यांच्या तेलावरील निर्बंध काही महिन्यांकरिता हटवले. आता होर्मुज खाडीत मोठ्या घडामोडी घडताना दिसत आहेत. होर्मुज खाडीत अमेरिकेने केलेल्या नाकेबंदीनंतर इराण झुकताना दिसत आहे.
दोन्ही देशांकडून होर्मुजमध्ये आपली स्थिती मजबूत केली जात आहे. मात्र, यामुळे पुन्हा एकदा तेलाचे मोठे संकट उभे झाले. नुकताच मिळालेल्या रिपोर्टनुसार, इराणने होर्मुज खाडीतील सुरक्षित रस्त्याबद्दल एक प्रस्ताव अमेरिकेकडे दिला. ज्याच्या माध्यमातून होर्मुज खाडीतून जहाजांना मार्ग दिला जाऊ शकतो. इराणकडून संकेत देण्यात आले की, जहाजांना ओमानच्या दिशेने सुरक्षित रस्ता दिला जाऊ शकतो.
इराणचा हा प्रस्ताव अमेरिकेसोबत सुरू असलेल्या वाटाघाटीचा हिस्सा असल्याचे सांगितले जातंय. जर कोणत्याही हल्ल्याशिवाय होर्मुज खाडीतून जहाजांना सुरक्षित रस्ता दिला तर तणाव कमी होण्याची शक्यता आहे. हा प्रस्ताव ठेवण्यासोबतच इराणकडून एक मोठी अटही ठेवण्यात आल्याची माहिती मिळत आहे. संपूर्ण जगाची इच्छा आहे की, कोणत्याही परिस्थितीमध्ये होर्मुज खाडीतील तणाव कमी व्हावा.
पाकिस्तान या युद्धात पहिल्या दिवसापासूनच लुडबुड करताना दिसत आहे. युद्धबंदी कराराची पहिली बैठक पाकिस्तानमध्येच झाली. आता दुसरीही बैठक पाकिस्तानमध्ये होण्याचे संकेत आहेत. स्थिती गंभीर आहे. मात्र, कुठे ना कुठे इराण होर्मुज खाडीत झुकताना दिसत आहे. अमेरिकेच्या नाकेबंदीनंतर इराणला नाकेनऊ आल्याचे कळत आहे. कारण त्यांच्या बंदरातून त्यांचे एकही जहाज बाहेर पडू शकत नाहीये.
