इराण आणि अमेरिका युद्धात स्थिती बिकड आहे. युद्ध थांबवण्याकरिता पाकिस्तान पुढे आला. मात्र, त्यांना यश मिळाले नाही. होर्मुज खाडीत जहाजे जप्त केली जात आहेत. यादरम्यानच अमेरिकेकडून अत्यंत मोठा दावा करण्यात आला आहे.
इराण आणि अमेरिका युद्धात परिस्थिती सुधारण्याऐवजी अधिक चिघळत आहे. होर्मुज खाडीत तणाव आहे. त्यामध्येच होर्मुज खाडीतून गुजरातच्या दिशेने निघालेले जहाज इराणकडून जप्त करण्यात आले. हेच नाही तर होर्मुज खाडीत इराणकडून गोळीबारही केला जात आहे. नौदल हालचाली, नाकेबंदी यामुळे स्थिती पुर्वीपेक्षा अधिक घातक आहे. सध्या ज्याप्रकारे इराण होर्मुज खाडीत आक्रमक झाला, त्याला थेट अमेरिकेने समुद्री डांकूसारखे इराण वागत असल्याचे म्हटले. इराणने अमेरिकेच्या नाकेबंदीचा थेट युद्धजन्य कृत्य म्हणून निषेध केला आहे. होर्मुज खाडीत अमेरिकेकडून करण्यात आलेल्या नाकेबंदीमुळे तणाव कमी व्हायचा तर अधिक वाढला आहे. स्थिती हाताबाहेर जाताना दिसत आहे. अमेरिकेने इराणी जहाज जप्त केले. त्यानंतर वेगवेगळ्या देशांचे दोन जहाज इराणनेही जप्त केले, त्यापैकी एक जहाज गुजराजच्या दिशेने निघाले होते.
व्हाइट हाऊसच्या प्रेस सेक्रेटरी कॅरोलिन लेविट यांनी नुकताच इराणवर गंभीर आरोप केले. इराणी नौदल मध्य पूर्वेत सर्वात जास्त धोकादायक बनल्याचे त्यांनी म्हटले. समुद्री डांकूच्या टोळीसारखे ते वागत आहेत. यादरम्यान जगाची झोप उडवणारा दावा करण्यात आला. होर्मुज खाडीत इराणचे कोणतेही नियंत्रण नसल्याचा खळबळजनक दावा, यावेळी त्यांनी केला. अमेरिकेने केलेली नाकेबंदी प्रभावित ठरत असल्याची दावा त्यांनी केला.
लेविट यांनी म्हटले की, डोनाल्ड ट्रम्प यांचे उदिष्ट स्पष्ट आहे. अमेरिका आणि त्यांच्या मित्र राष्ट्रांना धमकावण्यासाठी इराण कधीही अणुबॉम्ब मिळवू शकत नाही. इराणने आपल्याकडील संवर्धित युरेनियम अमेरिकेच्या हवाली केलेच पाहिजे, अमेरिकेची ही मागणी जोपर्यंत इराण पूर्ण करत नाही, तोपर्यंत युद्धबंदी शक्य नसल्याचेही त्यांनी म्हटले आहे.
इराण आणि अमेरिका यांच्यातील युद्धबंदीची बैठक पाकिस्तानमध्ये होती. मात्र, अमेरिकेकडून देण्यात येणाऱ्या धमक्यांनंतर इराणकडून या बैठकीला हजर राहणार नसल्याची भूमिका घेण्यात आली. मंगळवारी ही बैठक इस्लामाबादमध्ये होती. मात्र, त्यापूर्वी होर्मुज खाडीमध्ये कमालीचा तणाव बघायला मिळाला. या तणावानंतर इराणकडून स्पष्ट भूमिका घेत सांगण्यात आले की, ते या बैठकीला उपस्थित राहणार नाहीत.
