राज्याचे उपमुख्यमंत्री अजित पवार यांच्या निधनानंतर मोठी खळबळ उडाली. अजित पवार मुंबईहून बारामतीकडे जात असताना त्यांच्या विमानाचा अपघात झाला. आता या प्रकरणात रोहित पवार यांनी मोठा खुलासा केला.
राज्याचे उपमुख्यमंत्री अजित पवार यांच्या विमान अपघाताने मोठी खळबळ उडाली आहे. अजित पवार मुंबईहून बारामतीकडे जात असताना त्यांच्या विमानाचा भीषण अपघात झाला. या विमान अपघाताची काही व्हिडीओ पुढे आली. या व्हिडीओमध्ये स्पष्ट दिसत आहे की, अजित पवार यांचे विमान हवेतच एका बाजूला झुकताना दिसले. अजित पवार यांच्या विमान अपघातानंतर अनेक संशय व्यक्त केली जात आहेत. आमदार रोहित पवार यांनी यापूर्वी गंभीर आरोप केली आहेत. आता दिल्लीमध्ये रोहित पवार यांनी पत्रकार परिषद घेतली असून त्यांनी थेट राहुल गांधी यांना विनंती करून म्हटले आहे की, राहुल गांधी यांनी या विषयात लक्ष घालून विषय मांडला पाहिजे. शरद पवार यांच्या दिल्लीतील निवासस्थानी रोहित पवार यांनी पत्रकार परिषदेचे आयोजन केले. काही दिवसांपूर्वी मुंबईमध्येही पत्रकार परिषदेचे आयोजन केले होते.
दिल्लीतील पत्रकार परिषदेमध्ये बोलताना रोहित पवार यांनी म्हटले की, VSR कंपनीच्या मागे मोठे लोक आहेत. त्यामध्येच कंपनीला वाचवले जात आहे. VSR कंपनीला एका बड्या नेत्याचा पाठिंबा आहे. नागरी उड्डाण मंत्र्यांचा राजीनामा घेतला पाहिजे. आम्ही मोदी आणि अमित शाह यांच्याकडे मागणी करत आहोत.
रोहित पवार यांनी म्हटले की, केंद्रीय उड्डाण मंत्र्यांचा राजीनामा मिळाला पाहिजे. आमच्या कार्यकर्त्यांनी सीसीटीव्ही फुटेज मागितले. पण त्याला ते सीसीटीव्ही फुटेज देण्यात आले नाही. आमचे लोक माहिती मागत आहेत, पण त्यांना माहिती दिली जात नाही. आम्ही माहिती मागितली की, आम्हाला बीजेपीवाले सोशल मीडियावर ट्रोल करत आहेत. बीजेपीचे ट्रोलर्स ट्रोलिंग करत आहेत.
रोहित पवारांनी त्यांना ट्रोल करणाऱ्यांवर केलं भाष्य
रोहित पवार यांनी नुकतेच या प्रकरणी त्यांच्यावर टीका करणाऱ्या ट्रोलर्सचा खरपूस शब्दांत समाचार घेतला होता. आम्हाला जे ट्रोल करत आहेत, जे भाजपासाठी काम करतात, ते खूप जास्त अग्रेसिव्ह झालेले आहेत, आम्ही जेव्हापासून प्रेझेंटेशन चालू केले तेव्हापासून ते भडकले आहेत, एअरपोर्ट कडून त्यांना माहिती मिळत आहे. मी कोणत्या फ्लाईटने गेलो होतो, माझ्यासोबत कोणता सेलिब्रिटी होता त्यांच्या आणि माझ्या आधार कार्डची माहिती त्या ट्रॉलर्स न मिळत आहे. मी जेव्हा दिल्लीत आलो होतो तेव्हा मी स्वतः सांगितलं होतं मी देखील व्हीएसआर च्या विमानाने फिरलेलो आहे, माझ्यासोबत एक सेलिब्रिटी होता, मी ही माहिती दिली तरी देखील भाजपचे जे ट्रोलर्स आहेत ही माहिती त्यांना कोणी दिली, आरटीआय टाकून देखील आम्हाला माहिती मिळत नाही, कोणते अधिकारी आम्हाला माहिती देत नाहीत, पण एअरपोर्ट प्रशासन अशा ट्रोलर्स ना सर्व माहिती का देत आहे असा आमचा प्रश्न आहे, या ट्रोलर्सच्या मागे नेमकं कोण आहे या सगळ्यात जाऊन मी तुमचा सर्वांचा वेळ घेणार नाही, पण अशा पद्धतीने भाजपचे काही मोठे ट्रोलर्स आम्हाला ट्रोल करत आहेत आमच्या पत्रकार परिषदेला ट्रोल करत आहेत, तर मला वाटतंय की हा सर्व रिसर्च आणि सर्व माहिती दाबण्याचा प्रयत्न करत आहे की, यामध्ये दुसरा कोणता अँगल आहे असा प्रश्न लोकांच्या देखील मनामध्ये येत आहे असेही रोहित पवार यांनी म्हटलं आहे.
