अरे देवा, पुन्हा अपघात: ट्रकने बाईकला पाठीमागून ठोकरले : पती-पत्नीसह निष्पाप चिमुकल्याचा मृत्यू

कालपासून सोलापुरात अपघाताची मालिकाच सुरू आहे. शेळगी जवळ झालेल्या अपघात दोघांचा मृत्यू झाला. तर हैदराबाद रस्त्यावर झालेल्या अपघातात एकाचा बळी गेला. आता अपघाताची आणखी एक घटना समोर येत आहे.

पुणे जिल्ह्यातील दौंड तालुक्यातील पाटस येथील भीमा पाटस कारखान्याजवळ बाईकला पाठीमागून धडक दिल्याने पती-पत्नीसह चिमुकल्याचा मृत्यू झाल्याची घटना घडली आहे. या भीषण अपघातात संतोष साबळे, रोहिणी साबळे हे पती-पत्नी आणि त्यांचा मुलगा गुरु साबळे हे ठार झाले.
या घटनेमुळे हळहळ व्यक्त होत आहे. या अपघातानंतर ट्रकचा चालक फरार झाला आहे. या अपघातात संतोष आणि रोहिणी यांचा जागीच मृत्यू झाला तर गुरु या पाच वर्षाच्या मुलाचा उपचारादरम्यान मृत्यू झाला.