राष्ट्रवादीचे माजी मंत्री जितेंद्र आव्हाड यांच्यावर आज विनयभंगाचा गुन्हा दाखल करण्यात आला आहे. प्रकरणावरून राज्यातील वातावरण चांगलेच पेटले आहे. केवळ 72 तासात दोन गुन्हे दाखल झाल्याने आव्हाड संतापले आहेत. इतकेच नव्हे तर त्यांनी आपल्या आमदारकीच्या राजीनाम्याची तयारी केली आहे.
काल मुख्यमंत्री एकनाथ शिंदे यांच्या उपस्थितीत मुंब्रा येथे ही घटना घडली आहे. याबाबत भाजपच्या महिला पदाधिकाऱ्याने नोंदवली आहे. आव्हाड यांनी आपल्याला चुकीच्या पद्धतीने असा आरोप संबंधित महिलेने केला आहे. राष्ट्रवादीच्या खासदार सुप्रिया सुळे यांनी हा आरोप फेटाळून लावला आहे.
आव्हाड यांच्यावर विनयभंगाचा गुन्हा दाखल झाल्यानंतर राष्ट्रवादी पक्ष आक्रमक झाला आहे. या घटनेच्या निषेधार्थ राष्ट्रवादीच्या कार्यकर्त्यांनी जाळपोळ करण्यास सुरुवात केली आहे. आज सकाळी राष्ट्रवादीच्या कार्यकर्त्यांनी कळवा मुंब्रा रस्त्यावर टायर जाळले आहे. तसेच या घटनेचे पडसाद सोलापुरातही उमटत आहेत.
