Gold Price Today 13 June 2026 Latest News Updates in Marathi : अमेरिका आणि इराण यांच्यातील तणावावर राजनैतिक तोडगा निघण्याचे संकेत मिळाले असून त्याचा जगतिक बाजारावर सकरात्मक परिणाम दिसून आला. यामुळे मौल्यवान धातूंमधील गुंतवणूकदारांची रुची पुन्हा वाढली आहे. सोने आणि चांदीचे देशांतर्गत भाव हे देशांतर्गत आणि जागतिक अशा दोन्ही घटकांमुळे प्रभावित होतात. आज देशातील विविध शहरांत सोन्याचे भाव किती ?
देशांतर्गत सोन्याची घसरण अखेर शनिवारी थांबताना दिसत्ये. 13 जूनच्या सकाळी देशातल बहुतांश शहरात सोन्याच्या किमती चढ्या आहेत. देशाची राजधानी दिल्लीमध्ये 24-कॅरेट सोन्याचा भाव प्रति 10 ग्रॅमसाठी 1,45,830 रुपयांवर पोहोचला आहे. मुंबईत हा भाव प्रति 10 ग्रॅम 1,45,890 रुपये इतका आहे. याआधीच्या दिवशी, दिल्लीच्या सराफा बाजारात 99.9 % शुद्ध सोन्याच्या दरात 3000 रुपयांची वाढ होऊन तो प्रति 10 ग्रॅम 1,56,900 रुपयांवर गेला होता. आंतरराष्ट्रीय बाजारात ‘स्पॉट गोल्ड’चा (तात्काळ व्यवहारासाठीचे सोने) व्यापार प्रति औंस 4,206.88 डॉलर्स या दराने होत आहे. सोन्याचे दर वाढल्याने ग्राहकांची मात्र धास्ती वाढली आहे.
अमेरिका-इराणमध्ये गेल्या अनेक महिन्यांपासून असलेल्या तणावावर राजनैतिक तोडगा निघण्याच्या संकेतांमुळे मौल्यवान धातूंमधील गुंतवणूकदारांची आवड पुन्हा वाढल्याचे दिसून आले. कच्च्या तेलाच्या किमतीतील घसरण आणि अमेरिकी डॉलर निर्देशांक व बॉण्ड उत्पन्नातील घट हे देखील याला कारणीभूत घटक आहेत. सोन्याचे दर यामुळे वाढताना दिसत आहेत.
देशातील प्रमुख शहरातील सोन्याचे भाव
दिल्लीत सोन्याची किंमत : राजधानी दिल्लीत 24 कॅरेट सोन्याची किंमत 1,45,830 रुपये प्रति 10 ग्रॅम आहे. तर 22 कॅरेटसाठी 1,36,360 रुपये मोजावे लागत आहेत.
मुंबई आणि कोलकाता: मुंबई आणि कोलकातामध्ये 22-कॅरेट सोन्याचा दर प्रति 10 ग्रॅम 1,36,210 रुपये आहे, तर 24-कॅरेट सोन्याचा दर 1,45,890 रुपयांवर पोहोचला आहे.
चेन्नईमधील सोन्याचे दर: 24-कॅरेट सोन्याचा दर प्रति 10 ग्रॅम 1,50,560 रुपये तर 22 -कॅरेट सोन्याचा दर प्रति 10 ग्रॅम 1,38,010 रुपये आहे.
पुणे आणि बेंगळुरू येथील दर: या दोन्ही शहरांमध्ये 24-कॅरेट सोन्याचा दर प्रति 10 ग्रॅमसाठी 1,45,890 रुपये आणि 22 -कॅरेट सोन्याचा दर प्रति 10 ग्रॅम 1,36,210 रुपये इतका आहे.
| शहर | 22 कॅरेट सोन्याचा आजचा भाव (₹) | 24 कॅरेट सोन्याचा आजचा भाव (₹) |
| दिल्ली | 136360 | 145830 |
| मुंबई | 136210 | 145890 |
| अहमदाबाद | 136260 | 148640 |
| चेन्नई | 138010 | 150560 |
| कोलकाता | 136210 | 145890 |
| हैदराबाद | 136210 | 145890 |
| जयपुर | 136360 | 145830 |
| भोपाळ | 136260 | 148640 |
| लखनऊ | 136360 | 145830 |
| चंदीगड | 136360 | 145830 |
चांदीची किंमत
आज सोन्याप्रमाणेच चांदीच्या दरातही मोठी वाढ झाली आहे. 13 जूनच्या सकाळपर्यंत चांदीचा दर प्रति किलो 2,60,100 रुपयांवर पोहोचला. आंतरराष्ट्रीय बाजारात ‘स्पॉट’ चांदीचा दर प्रति औंस 67.02 डॉलर्स इतका आहे. सोने आणि चांदीचे देशांतर्गत दर हे देशांतर्गत आणि जागतिक अशा दोन्ही घटकांमुळे प्रभावित होतात.
