राष्ट्रवादी पक्षात मोठी खळबळ उडाली आहे. पक्षाच्या बड्या नेत्याने अचानक सर्व पदांचे राजीनामा दिल्याने हडकंप माजला आहे.या नेत्याने समाजमाध्यमात पोस्ट करत आपली बाजू मांडली आहे.
राष्ट्रवादी पक्षाचे बडे नेते आनंद परांजपे यांनी त्यांच्या सर्व पदांचा राजीनामा दिल्याने खळबळ उडाली आहे. आनंद परांजपे हे गेले अनेक दिवस नाराज होते असे म्हटले जात आहे. त्यांनी त्यांच्या सर्व पदांचा राजीनामा दिल्याने राष्ट्रवादी पक्षाला मोठा धक्का बसल्याचे म्हटले जात आहे. विधान परिषद न मिळाल्याने ते नाराज होते असे म्हटले जात आहे.
आनंद परांजपे यांनी राष्ट्रवादी पक्षातील आपल्या सर्व पदांचा राजीनामा दिल्यानंतर एक पोस्ट समाजमाध्यमावर व्हायरल होत आहे. त्यात ते म्हणतात की मनात अनेक भावना दाटून आल्या आहेत. राष्ट्रवादी काँग्रेस पक्षामधील माझा 14 वर्षाचा प्रवास, सर्व नेते, पदाधिकारी, कार्यकर्त्यांचे मिळालेले प्रेम आणि विश्वास कायम स्मरणात राहील. आज अत्यंत जड अंतःकरणाने हा प्रवास इथेच संपवून नव्या वाटेवर पाऊल टाकून नवीन प्रवासाची सुरुवात करीत आहे..!
एकनाथ शिंदे यांची घेतली होती भेट
शिवसेना नेते आणि उपमुख्यमंत्री एकनाथ शिंदे यांची आनंद परांजपे यांनी अलिकडेच भेट घेतली होती. ते अनेक दिवसांपासून पक्षात नाराज होते. त्यांनी विधानसभा, महानगर पालिका आणि जिल्हा परिषद-पंचायत समितीच्या निवडणूकांदरम्यान पक्षाने दिलेली सर्व जबाबदारी निष्ठेने पार पाडली होती. त्यांना विधान परिषदेवर संधी हवी होती असे म्हटले जाते आहे.
