Thalapathy Vijay Tamilnadu Election Result 2026: तामिळनाडूमधील अण्णाद्रमुक पक्षात मोठी खळबळ उडाली आहे.
Thalapathy Vijay Tamilnadu Election Result 2026: नुकत्याच झालेल्या तामिळनाडू विधानसभेच्या निवडणुकीत (Tamilnadu Vidhansabha Election Result 2026) मोठी उलथापालथ पाहायला मिळाली. यंदाच्या निवडणुकांमध्ये, अभिनेता-राजकारणी थलपती विजयच्या (Thalapathy Vijay) नेतृत्वाखालील टीव्हीके (Tamilaga Vettri Kazhagam) हा पक्ष 108 जागा मिळवून सर्वात मोठा पक्ष म्हणून उदयास आला आहे. सध्या विविध राजकीय पक्ष TVK ला आपला पाठिंबा देण्यासाठी रणनीतिक हालचालींमध्ये व्यस्त आहेत. या घडामोडींच्या पार्श्वभूमीवर, अण्णाद्रमुक पक्षात मोठी खळबळ उडाली आहे. आज नियोजित असलेली पक्षाच्या विधिमंडळ गटाची बैठक पुढे ढकलण्यात आली आहे. AIADMK पक्षाच्या 47 आमदारांपैकी बहुतांश आमदारांची TVK ला आपला पाठिंबा जाहीर करावा, अशी मागणी केली आहे. (Tamilnadu Election Result 2026)
सूत्रांनी दिलेल्या माहितीनुसार, अण्णाद्रमुक पक्षाच्या 47 पैकी बहुतांश आमदार TVK सोबत युती करण्यासाठी आग्रही आहेत. माजी मुख्यमंत्री आणि अण्णाद्रमुकचे ज्येष्ठ नेते एडप्पाडी यांना एक अप्रत्यक्ष इशारा देण्यात आला आहे: जर त्यांनी लवकर निर्णय घेतला नाही, तर 30 हून अधिक आमदार पक्षातून बाहेर पडून विजय यांना आपला पाठिंबा जाहीर करण्यास सज्ज आहेत. या बंडाचे नेतृत्व सी.व्ही. षण्मुगम हे करत आहेत. प्राप्त माहितीनुसार, अण्णाद्रमुकचे आमदार थोड्याच वेळात सी.व्ही.षण्मुगम यांच्या निवासस्थानी दाखल होण्याची शक्यता आहे. (Tamilnadu Election Result 2026)
नेमकं काय घडलं? (Tamilnadu Election Result 2026)
AIADMK च्या नवनिर्वाचित आमदारांची बैठक आज चेन्नई येथे नियोजित होती; मात्र, अगदी शेवटच्या क्षणी ती पुढे ढकलण्यात आली. पक्षातील एका गटाचा असा कल आहे की, विजय यांच्या TVK या पक्षाला किमान एका वर्षाच्या कालावधीसाठी बाहेरून पाठिंबा द्यावा. ही परिस्थिती विशेष महत्त्वाची आहे, कारण TVK हा पक्ष राज्य विधानसभेत ‘सर्वात मोठा पक्ष’ म्हणून उदयास आला असला, तरीही बहुमताचा आकडा गाठण्यात तो कमी पडत आहे. तामिळनाडूच्या 234 जागांच्या विधानसभेत बहुमत सिद्ध करण्यासाठी 118 जागांची आवश्यकता असते, तर TVK ने 108 जागांवर विजय मिळवला आहे.
राहुल गांधींचा विजयला फोन- (Thalapathy Vijay And Rahul Gandhi)
TVK ने ही निवडणूक स्वबळावर लढल्यामुळे, आता DMK आणि AIADMK या दोन्ही गटांमधील पक्षांशी सुरू असलेल्या वाटाघाटींनी वेग घेतला आहे. सूत्रांनी दिलेल्या माहितीनुसार, DMK आघाडीचा घटक पक्ष असलेल्या आणि पाच जागा जिंकणाऱ्या काँग्रेसचा कल विजय यांना पाठिंबा देण्याकडे विशेषत्वाने झुकलेला असल्याचे मानले जात आहे. शिवाय, राहुल गांधी यांनी विजय यांना फोन करून दिलेल्या शुभेच्छांकडे, भविष्यातील संभाव्य सहकार्याचा एक संकेत म्हणून पाहिले जात असल्याचेही बोलले जात आहे.
तामिळनाडू विधानसभा निवडणुकीचा अंतिम निकाल- (Tamilnadu Election Result 2026)
- टीव्हीके-108
- द्रमुक- 59
- अण्णाद्रमुक- 47
- काँग्रेस- 5
- इतर-08
- एकूण जागा-234
