एअरटेलच्या कोट्यवधी युजर्ससाठी एक मोठी आणि खिशाला कात्री लावणारी बातमी समोर येत आहे. गेल्या अनेक दिवसांपासून 2026 मध्ये मोबाईल रिचार्जच्या किमती वाढतील अशी चर्चा सुरू असतानाच, एअरटेलने आपल्या 84 दिवसांच्या वैधतेच्या प्लॅन्समध्ये महत्त्वपूर्ण बदल केले आहेत. कंपनीने या लोकप्रिय प्लॅन आपल्या पोर्टफोलिओमधून पूर्णपणे काढून टाकला आहे. यासंदर्भातलं वृत्त ‘नवभारत टाइम्स’ (REF.) आणि ‘CNBCTV18’ ने (REF.) दिलं आहे.
एअरटेलने 700 रुपये आणि 800 रुपयांच्या श्रेणीतील दोन प्लॅनमध्ये बदल केले आहेत. या प्लॅनची वैधता 84 दिवसांची होती. यातील एक प्लॅन 799 रुपये आणि दुसरा 859 रुपयांचा होता. या प्लॅनमध्ये दररोज 1.5 GB आणि 2GB डेटा मिळत होता. मात्र, आता एअरटेलने 799 रुपयांचा प्लॅन पूर्णपणे बंद केला आहे. याशिवाय 859 रुपयांच्या प्लॅनची किंमत 899 रुपये करण्यात आली आहे.
तुमच्या खिशावर काय परिणाम होईल?
एअरटेलने 84 दिवसांच्या प्लॅनमध्ये केलेल्या बदलांनंतर आता तुम्हाला 84 दिवसांच्या वैधतेसह कोणत्याही प्लॅनसाठी किमान 899 रुपये खर्च करावे लागतील. या प्लॅनमध्ये अनलिमिटेड कॉलिंगसह 1.5 GB डेटा आणि दररोज 100 SMS ची सुविधा मिळते. रिचार्ज प्लॅनमधील बदलांमुळे सर्वात जास्त फरक पडणार आहे जे दीर्घ वैधतेसह प्लॅन रिचार्ज करत असत. रिपोर्ट्सनुसार, हळूहळू असे बदल उर्वरित प्लॅनमध्येही पाहायला मिळतील.
Jio-Vi ला निमित्त मिळाले आहे का?
रिपोर्ट्सनुसार, एअरटेलने आपल्या प्रीपेड रिचार्ज प्लॅनमध्ये जे बदल केले आहेत, त्यानंतर जिओ-Vi लाही असेच बदल करण्याचे निमित्त मिळाले आहे. विशेष म्हणजे तिन्ही भारतीय टेलिकॉम कंपन्यांचे प्लॅन जवळपास सारखेच आहेत. यापूर्वीही प्रत्येक ऑपरेटरच्या पोर्टफोलिओमध्ये प्लॅनमध्ये बदल दिसून आले आहेत. अशा परिस्थितीत, तज्ञांचे मत आहे की हा रिचार्ज प्लॅन महाग होण्याची सुरुवात असू शकते.
नवीन प्लॅनमध्ये काय वेगळे?
‘CNBCTV18’ च्या वृत्तानुसार, नवीन किंमतीच्या प्लॅनमध्ये 12 महिन्यांसाठी अ‍ॅडोब एक्सप्रेस प्रीमियम, स्पॅम कॉल आणि एसएमएस अलर्ट आणि विनामूल्य हॅलोट्यून्स यासारख्या काही फीचर्ससह येतात. परंतु पूर्वीच्या प्लॅनमध्ये मिळणारा कॅशबॅक किंवा रिवॉर्ड बेनिफिट आता या प्लॅनमध्ये समाविष्ट नाही.
या बदलाचा अर्थ असा आहे की, आता ज्या ग्राहकांना दीर्घ कालावधीसाठी कमी किंमतीत रिचार्ज करायचे आहे त्यांना अधिक पैसे खर्च करावे लागतील. हा बदल थोडा निराशाजनक असू शकतो, विशेषत: त्या युजर्ससाठी जे बजेटमध्ये चांगले पर्याय शोधत होते, असं ‘CNBCTV18’ च्या वृत्तात म्हटलं आहे.
