इराण आणि अमेरिका युद्धात भारतासह अन्य देशांचे टेन्शन वाढले आहे. पुन्हा एकदा होर्मुज खाडीत मोठा तणाव बघायला मिळत आहे. होर्मुज खाडीत सर्वकाही ठप्प आहे. इराणकडून होर्मुज खाडी पूर्णपणे बंद करण्यात आली आहे.
इराणचे परराष्ट्र मंत्री अब्बास अराघची यांनी मोठी घोषणा करत म्हटले होते की, होर्मुज खाडी खुली आहे. त्यानंतर जगाने सुटकेच्या निश्वास घेतला. अराघची यांच्या सोशल मीडिया पोस्टनंतर अमेरिकेचे अध्यक्ष डोनाल्ड ट्रम्प यांनी निर्णयाचे स्वागत केले आणि आभारही मानले. हेच नाही तर यादरम्यान जागतिक बाजारात 10 टक्क्यांनी तेलाच्या किमती घसरल्या. आता सर्वकाही सुरळीत होणार असे जगाला वाटत होते, त्यावेळीच इराणच्या होर्मुज खाडीत भयंकर घडले. भारताच्या जहाजावर होर्मुज खाडीत गोळीबार करण्यात आला. हेच नाही तर आयआरजीसीच्या अधिकाऱ्यांनी भारतीय जहाजाच्या कॅप्टनला होर्मुज खाडी बंद असल्याचे सांगितले. गेल्या 24 तासांपासून होर्मुज खाडी पूर्णपणे बंद आहे. एलपीजीचे मोठे संकट आहे. 24 तासांमध्ये सर्वकाही बदलल्याचे दिसत आहे. जगाने ज्याचा विचारही केला नाही, असा निर्णय इराणकडून घेण्यात आला.
इराणकडून होर्मुज खाडी पूर्णपणे बंद करण्यात आली. शनिवारी सर्वकाही व्यवस्थित होते आणि त्यानंतर सर्व बदलून गेले. पुन्हा जागतिक बाजारात तेलाच्या किमती वाढण्याची शक्यता आहे. इस्लामिक रिव्होल्यूशनरी गार्ड कॉर्प्सने एक थेट निवेदन जारी करून म्हटले की, होर्मुजच्या खाडी जवळ जाणे हे शत्रूशी सहकार्य मानले जाईल. नियमांचे उल्लंघन करणाऱ्या जहाजांना टार्गेट करून हल्ले केले जातील.
IRGC ने म्हटले की, जोपर्यंत अमेरिकेची नाकेबंदी सुरू राहील, तोपर्यंत होर्मुजमध्ये कठोर उपाययोजना केल्या जातील. अमेरिका आणि इराण यांच्या वादात गेल्या 24 तासांपासून होर्मुज खाडी बंद आहे. याचा मोठा फटका बसत आहे. होर्मुज खाडी बंद असल्याने चीन, भारत, पाकिस्तान सारख्या देशाची झोप उडाली.
मित्र देशांचेही जहाज इराणकडून सोडले जात नाहीये. परिस्थिती अधिक बिकड बनली आहे. कोणत्याही परिस्थितीमध्ये होर्मुज खाडी सुरू व्हावी, ही जगाची इच्छा आहे. होर्मुज खाडी इराणकडून बंद करण्यात आली, एलपीजीचे संकट आहे. 24 तासात असे काही घडले, ज्याचा जगाने विचारही केला नाही. डोनाल्ड ट्रम्प यांनी इराण जगाला होर्मुजच्या माध्यमातून ब्लॅकमेल करू शकत नसल्याचे म्हटले आहे.
