Rohit Sharma Mumbai Indians IPL 2026 : भारताचा स्टार क्रिकेटपटू रोहित शर्मा आयपीएल 2026 मध्ये धडाकेबाज कामगिरी करण्यासाठी सज्ज झाला आहे.
Rohit Sharma Mumbai Indians IPL 2026 : भारताचा स्टार क्रिकेटपटू रोहित शर्मा (Rohit Sharma) आयपीएल 2026 मध्ये (IPL 2026) धडाकेबाज कामगिरी करण्यासाठी सज्ज झाला आहे. 28 मार्चपासून सुरू होणाऱ्या आयपीएलमध्ये हिटमॅन मुंबई इंडियन्ससाठी (Mumbai Indians) धावांचा पाऊस पाडताना दिसणार आहे. मात्र, त्याआधीच एक मोठी बातमी समोर आली आहे. ही बातमी रोहित शर्मा आणि मुंबई इंडियन्सशी संबंधित आहे.
रोहितला प्लेइंग-11 मध्ये स्थान नाही ?
आयपीएल 2026 सुरू होण्यापूर्वी मुंबई इंडियन्सने रोहित शर्माबाबत एक वेगळाच प्लॅन तयार केल्याची माहिती समोर येत आहे. या प्लॅननुसार, रोहितला थेट प्लेइंग-11 मध्ये स्थान दिले जाणार नाही. म्हणजेच, तो नियमित 11 खेळाडूंमध्ये दिसणार नाही, ही बाब चाहत्यांसाठी मोठा धक्का ठरू शकते.
नवा रोल, नवी रणनीती! इम्पॅक्ट प्लेयर म्हणून एंन्ट्री (Rohit Sharma Mumbai Indians IPL 2026)
मुंबई इंडियन्स रोहितला एका नव्या आणि खास भूमिकेत मैदानात उतरवण्याच्या तयारीत आहे. भारताचा माजी कर्णधार असलेला हा स्फोटक फलंदाज आता वेगळ्या रणनीतीसह संघासाठी योगदान देताना दिसू शकतो. मिळालेल्या माहितीनुसार, रोहित शर्माला आयपीएल 2026 मध्ये ‘इम्पॅक्ट प्लेयर’ म्हणून वापरण्याचा विचार आहे. म्हणजेच तो 12वा खेळाडू म्हणून संघात असणार आहे. गरजेनुसार त्याला मैदानात उतरवले जाईल आणि तो आपल्या फलंदाजीने सामना फिरवू शकतो.
फक्त बॅटिंगवर फोकस
रोहितचे वय आता 38 वर्षे झाले आहे. त्यामुळे वेगवान क्रिकेटमध्ये फील्डिंग करताना त्याच्यावर अतिरिक्त ताण येऊ नये, यासाठी त्याचा प्रामुख्याने फलंदाज म्हणून वापर केला जाईल. आयपीएल 2025 मध्येही काही सामन्यांमध्ये अशी रणनीती पाहायला मिळाली होती.
रोहितचा आयपीएल प्रवास (Rohit Sharma IPL 2026)
रोहित शर्माने आतापर्यंत आयपीएलमध्ये 272 सामने खेळले आहेत. त्याच्या नावावर 2 शतके आणि 47 अर्धशतके आहेत. त्याने 267 डावांमध्ये 29.7 च्या सरासरीने आणि 132.1 च्या स्ट्राईक रेटने 7046 धावा केल्या आहेत. यामध्ये 640 चौकार आणि 302 षटकारांचा समावेश आहे. रोहितने मुंबई इंडियन्सला तब्बल 5 वेळा विजेतेपद मिळवून दिले आहे, जे त्याच्या नेतृत्वगुणांचे मोठे उदाहरण आहे.
हे ही वाचा –
