Gold-Silver Rate Today 13 February 2026 Latest News Updates in Marathi : गेल्या महिन्यात, म्हणजेच 29 जानेवारी रोजी सोन्या-चांदीच्या किमती उच्चांकावर पोहोचल्यापासून आता त्यात लक्षणीय घट झाली आहे. त्यामुळ ग्राहकांसठी मोठा दिलासा आहे. सोनं-चांदीचे भाव हजारोंनी कमी झाले आहेत. आजचे दर किती ?
Gold-Silver Price Today Live Updates 13 Feb 2026 : आधी धाडकन उसली, गाठली ऑल टाईम हाय प्राईस आणि मग तेवढ्याच वेगाने खाली घसरण.. सोनं-चांदीच्या किमतींमध्ये सध्या एवढे चढउार पहायला मिळत आहे की गुंतवणूकदार आणि खरेदी करणारे ग्राहक, दोघेही प्रचंड हैराण झालेआहेत. आज जो दर आहे, उद्या तोच कायम तर सोडाच, पणत्याच्या आसपासही असेल की नाही ही शंका रोजच्या रोज सतावते. 29 जानेवारी रोजी, चांदीने प्रति किलो 4.20 लाख रुपयांचा विक्रमी उच्चांक गाठला, तर सोन्याने 1.93 लाखांपर्यंत उसळी मारत 2 लाखांच्या जवळ झेप घेतली होती. मात्र आता सोनं आणि चांदी दोन्ही त्यांच्या विक्रमी उच्चांकावरून लक्षणीयरीत्या घसरले आहेत.
मल्टी-कमोडिटी एक्सचेंज (MCX) वर, एकाच दिवसात सोने आणि चांदीच्या किमती 32 हजार रुपयांपर्यंत घसरल्या. 12 फेब्रुवारी 2026 रोजी, सोन्याची किंमत 1, 52, 300 रुपयांपर्यंत घसरली, ती 4.0 टक्क्यांची लक्षणीय घट होती. दरम्यान, चांदीच्या किमतीत 9.84 ४% ची लक्षणीय घसरण झाली आणि चांदी 2 लाख 37हजार, 136 बंद झाली. खरंतर त्यानंतर, दोन्ही मौल्यवान धातूंमध्ये अल्पकालीन वाढ दिसून आली, जी बाजारात मंदीचा दबाव दर्शवते. गुंतवणूकदारांसाठी, हे नफा बुकिंग किंवा जागतिक दबावाचे लक्षण असू शकते.
सोन्या-चांदीच्या दरात किती घट ?
29 जानेवारी रोजी सोन्या-चांदीच्या किमती उच्चांकावर पोहोचल्यापासून त्यात लक्षणीय घट झाली आहे. सोन्याच्या किमती अंदाजे 41 हजार रुपयांनी कमी झाल्या आहेत, तर चांदीच्या किमती 1.83 लाखांनी घटल्या आहेत.
आज, शुक्रवार, कमोडिटी मार्केटसाठी आठवड्याचा शेवटचा दिवस आहे, परंतु कमी किमतीत नफा मिळण्याची शक्यता कमी आहे. तसेच, आज सोने आणि चांदीच्या किमती आणखी कमी होतील की त्यांना काही शॉर्ट-कव्हरिंग दिसेल? हा मोठा प्रश्न आहे. दिल्ली आणि मुंबईसह देशातील विविध शहरांमध्ये सोने आणि चांदीचे दर किती ते जाणून घेऊया. शुक्रवारी सकाळी सोने आणि चांदीच्या किमती वाढल्या. सकाळी ९ वाजता बाजार उघडताच एमसीएक्स मार्केटमध्ये चांदीचा भाव 4 हजार 200 रुपयांनी वाढून प्रति किलोसाठी भाव 2. 40 लाख झाला आहे. तर सोन्याच्या भावात सुमारे 1 टक्का, म्हणजेच 1,467 रुपयांची वाढ झाली झाली असून 10 ग्रॅम सोन्यासाटी आता 1.54 लाख रुपये मोजावे लागतील. दिवसभरात दोन्ही धातूंच्या दरात आणखी चढ-उतार होऊ शकतात.
