आगाऊ कर नक्की तपासा
तुम्हाला तुमच्या पगाराव्यतिरिक्त इतर उत्पन्न मिळत असेल, शेअर बाजार, F&O, फ्रीलान्सिंग, व्याज किंवा भाडे, तर आगाऊ कर भरल्याची खात्री करा. तुम्ही 15 मार्चची अंतिम मुदत चुकवली, तर तुम्ही 31 मार्चपर्यंत पेमेंट करू शकता, पण तुम्हाला त्यावर व्याज आकारले जाऊ शकते.
तुम्ही जुन्या कर प्रणालीचा पर्याय निवडला असेल तर कलम 80C (पीपीएफ, ईएलएसएस, एलआयसी) आणि कलम 80D (आरोग्य विमा) अंतर्गत गुंतवणूक करून 1.5 लाख पर्यंत कपात मिळण्यासाठी पात्र ठरण्यासाठी शेवटची संधी तुमच्याकडे आहे. 31 मार्चनंतर केलेल्या गुंतवणुकी यावर्षी कर सवलत मिळणार नाही.
मूल्यांकन वर्ष 2021-22 (आर्थिक वर्ष 2020-21) साठी सुधारित विवरणपत्र म्हणजे ITR-U दाखल करण्याची अंतिम मुदत 31 मार्च 2026 आहे. यानंतर, आपण या वर्षासाठी कोणतेही सुधारित किंवा अपडेटेड विवरणपत्र दाखल करू शकणार नाही.
31 मार्चपर्यंत टॅक्स हार्वेस्टिंग करायला विसरू नका
तुम्हाला गुंतवणुकीतून कोणतंही नुकसान झालं असेल तर 31 मार्चपासून आधी बुक करा. यामुळे तुम्हाला तुमच्या नफ्यात बदल करून कर कमी करता येईल.
भांडवली नफ्याचे नियोजन करा
केवळ नफ्याचे कॅल्क्युलेशन कारणंच पुरेसं नाही, त्याचे योग्य नियोजन करणे आवश्यक आहे. शेअर्सवरील 1 लाख पर्यंतच्या दीर्घकालीन नफ्यावर करमाफ आहे, ज्याचा फायदा घेता येऊ शकतो.
बँक एफडी, बचत खाती किंवा लाभांशातून मिळणाऱ्या उत्पन्नाचा समावेश करायला विसरू नका. लोक अनेकदा याकडे दुर्लक्ष करतात, ज्यामुळे नंतर समस्या निर्माण होऊ शकतात.
फॉर्म 26एएस आणि एआयएस सोबत जुळवाजुळवा आणि काही विसंगती आढळल्यास त्या त्वरित दुरुस्त करा अन्यथा तुम्हाला आयकर नोटीस पाठवली जाऊ शकते.
तुम्ही नोकरी करत असाल तर तुमच्या गुंतवणुकीचा पुरावा, घरभाडे भत्त्याच्या पावत्या आणि गृह कर्जाशी संबंधित कागदपत्रे वेळेवर सादर करा नाहीत तुमच्या पगारातून जास्त टीडीएस कापला जाऊ शकतो.
31 मार्चला यंदा भगवान महावीर जयंती आहे, त्यामुळे या दिवशी बँकांना सुट्टी असली तरीही ऑनलाइन सेवा सुरू राहील. तुम्ही इंटरनेट बँकिंग, UPI किंवा इतर डिजिटल माध्यमांद्वारे कर भरू शकता पण ऐनवेळी येणाऱ्या तांत्रिक अडचणी टाळण्यासाठी आपली कामे आगाऊ पूर्ण करण्यातच शहाणपणा आहे.
31 मार्च केवळ एक तारीख नाही तर तुमच्या आर्थिक नियोजनाचा एक महत्त्वाचा दिवस आहे. तुम्ही आवश्यक कामे वेळेवर पूर्ण केली, तर तुम्ही केवळ कराची बचतच करू शकत नाही, तर अनावश्यक व्याज आणि दंड देखील टाळू शकता.
