Anulom Vilom Pranayama Benefits: अनुलोम-विलोम प्राणायामाच्या मदतीने औषधे न घेता अनेक आजारांपासून मुक्ती मिळवता येते. कोणकोणत्या समस्यांवर याचा फायदा होतो ते जाणून घेऊयात.
1/8
Anulom Vilom Benefits: तुम्ही सततच्या औषधांच्या सेवनाने त्रस्त आहात आणि कोणत्याही दुष्परिणामांशिवाय आरोग्य सुधारण्याचा विचार करत असाल, तर योग हा उत्तम पर्याय आहे. विशेषतः अनुलोम-विलोम प्राणायाम केवळ शरीरात ऊर्जा वाढवत नाही, तर गंभीर आजारांपासूनही संरक्षण करते.
2/8
दमा आणि श्वसनाचे आजार
दमा आणि ब्राँकायटिससारख्या समस्या असताना नियमित सराव केल्यास खूपच आराम मिळतो. काहींना तर इनहेलरची गरजही कमी भासू लागते. फुफ्फुसांची कार्यक्षमता सुधारण्यासाठी हे प्राणायम फारच उपयुक्त ठरते.
3/8
उच्च रक्तदाब
दररोज प्राणायाम केल्याने तणाव आणि रागावर नियंत्रण ठेवता येते. तसेच हृदयविकारांची शक्यताही कमी होते. हृदयाचे ठोके सुरळीत राहतात आणि रक्तदाब नैसर्गिकरीत्या संतुलित राहतो.
4/8
मधुमेह
प्राणायाम रक्तातील साखरेची पातळी संतुलित ठेवतो आणि इन्सुलिनची कार्यक्षमता वाढवतो. यामुळे दीर्घकाळ मधुमेह नियंत्रणात राहण्यास मदत होते.
5/8
मायग्रेन आणि डोकेदुखी
अनुलोम-विलोममुळे मेंदूला योग्य प्रमाणात ऑक्सिजन मिळतो. ज्यामुळे मायग्रेन, तणाव आणि डोकेदुखीपासून आराम मिळतो. यामुळे डोके हलके वाटू लागते आणि लक्ष केंद्रित करण्याची क्षमता वाढते.
6/8
ताण आणि चिंता
अनुलोम-विलोम शरीरातील कॉर्टिसोल हार्मोन कमी करतो. त्यामुळे मानसिक स्थैर्य येते आणि नैराश्याची लक्षणे देखील कमी होतात. यासोबतचं आत्मविश्वास वाढतो आणि मनही शांत राहते.
7/8
झोपेच्या समस्या
झोप न लागणे किंवा वारंवार झोपेतून जाग येणे यावरही हे प्राणायाम प्रभावी ठरते. प्राणायमामुळे रात्री शांत झोप लागते आणि सकाळी ताजेतवाने वाटते.
8/8
