आंध्रप्रदेश राज्यातील नेल्लोर जिल्ह्यातील कंडुकुरमध्ये तेलुगू देशम पार्टीचे प्रमुख चंद्राबाबू नायडू यांच्या एका सभेत चेंगराचेंगरी झाल्याने ८ लोकांचा मृत्यू झाला आहे. या दुर्घटनेत अनेक लोक जखमी झाले आहेत. जखमींनी जवळच्या रुग्णालयात दाखल करण्यात आले आहे.
सभेवेळी गोंधळ कसा झाला व चेंगराचेंगरी कशी झाली, हे अद्याप स्पष्ट झाले नाही. चंद्राबाबू राज्य विधानसभा विरोधी पक्षनेते आहेत. ते काल कंडुकुर शहरात एका सभेला संबोधित करणार होते. त्यांचा ताफा जात असताना गर्दी उसळली व चेंगराचेंगरी झाली. मोठी गर्दी झाल्यावर काही लोक रस्त्या लगतच्या नाल्यात पडले, तर काही लोक बेशुद्ध पडले. नायडूंना पाहण्यासाठी मोठ्या प्रमाणात लोक जमले होते.
